Kờp jơh priă lơh geh bơh nhơl chờ kờp dŭ geh 824 tơmàn đong, sơrlèt rlau 50 tơmàn đong pơndrờm mờ broă rơndăp lơh bơh jơh gùt nam 2022 dê. Nhơl chờ càr Dăk Lăk neh mhar bơtàu tơnguh wơl tơnơ̆ tŭ kòp Kovid-19 geh gròi sền. Gùng dà bal bơh năc lòt nhơl dê là rwah ală anih nhơl chờ pa ngan, geh uă bơta sền nàng gĭt krơi is ngan, den tàng rwah ală anih tus tàm Dăk Lăk.

Mò Nguyễn Thụy Phương Hiếu, Phó Kwang ătbồ Sở Văn hoá Thể thao mờ Zu lịc càr Dăk Lăk pà gĭt, càr Dăk Lăk gam pơn jăt tai geh ală broă lơh dong kờl ală mpồl, ală cau bơtàu tơnguh nhơl chờ, tàm hơ̆ sền gròi uă tus bơtàu tơnguh nhơl chờ ƀòn brê bơnơm gơ jăt bal mờ prăp gàr bơta niam chài ală jơi bơtiàn. Tàm tơngai bơh nam 2021- 2025, càr neh rwah bơcri priă di broă ai 5 ƀòn bơh cau kòn cau dùl êt nă cau in bal mờ priă dong kờl bơh 800 tơlak tus 1 tơmàn đong nàng bơtàu tơnguh nhơl chờ.