Jăt Sở Văn hoá, Thể thao mờ Zu lịc càr Dăk Lăk dê yal, kờp tus ngai 26/01, hơ̆ là ngai 05 sa tềp, càr Dăk Lăk neh wă rò rlau 130 rbô nă năc lòt nhơl, mìng là năc tàm lơgar lơm. Kờp jơh priă lơh geh bơh nhơl chờ tàm dơ̆ sa tềp là 14 tơmàn đong, gơguh mờr dùl dơ̆ mờ nggùl pơndrờm bal dùl tŭ mờ nam lài. Khà ngui cơldŭ, anih ơm kờp bal geh rlau 55%.

Jăt ồng Lại Đức Đại, Phó Kwang ătbồ Sở Văn hoá, Thể thao mờ Zu lịc càr Dăk Lăk yal, bơh lài mờ ngai sa tềp, ală tiah tàm càr neh sơlơ lòt sền, bơka, lơh niam wơl ală anih nhơl chờ mờ ală phan bơna nhơl chờ tŭ do gam geh nàng kờñ drơng năc lòt nhơl in niam ngan rlau jơh. Ală anih kă bro drơng broă ñô sa mờ ơm bĭc ndrờm yal loh làng giă mờ tăc di giă neh yal, ờ gŏ geh jơnau rồn bơklơn tơnguh giă năc lòt nhơl. Kwơmàng, tàm dơ̆ sa tềp bơhiàn dà lơgar nam do, bơta trồ tiah niam, ală broă lơh niam chài, dơ̆ lơh chờ tàm ală tiah neh pơgồp bơnah gơhòi gơ jà năc lòt nhơl tus mờ càr Dăk Lăk.