Mang ngai 23/10, Ủy viên Ƀộ Cíñ trị, Kwang atbồ Họk viện Cíñ trị dà lơgar Hồ Chí Minh ồng Nguyễn Xuân Thắng tus bal dơ̆ jàu khà jờng pơr lòng cih cíñ luận bè sền gàr bơnàng jă bồ tơngoh bơh Đảng dê, sơndră wơl mờ ală nùs nhơm kơlôi sơnơng tìs, lơh gơ jrañ kơ uềng dơ̆ 2, nam 2022. Dơ̆ pơrlòng neh dờp geh rlau 116 rơbô jơnau cih tus bal pơrlòng. Mpồl bơyai lơh neh sac rơ wah jàu 12 khà A; 20 khà B; 30 khà C; 40 khà pơn jờng; 20 nă cau cih/mpồl cau cih là đoàn viên, ơruh pơpnu geh jơnau cih jak ngan geh jàu khà kơ̆p kơnờm mờ 15 khà jờng mpồl cau jak ngan ai ală anih lơh broă, mpồl lơh broă, ală tiah lam lơh dơ̆ pơrlòng jrô ơnàng làm uă in mờ uă jơnau cih jak ngan.

Dơ̆ bơyai lơh jàu khà jờng ai mpồl jak ngan in

Đơs tàm dơ̆ jàu khà jờng, ồng Nguyễn Xuân Thắng đơs sùm: uă jơnau cih neh lơh geh bơnàng jă lý luận mờ bơta geh ngan kwơ màng, nàng pơn jat tai sền sơ wì, tơn jơh broă lơh sền gàr bơnàng jă bồ tơngoh bơh Đảng, sơndră wơl mờ ală nùs nhơm kơlôi sơnơng tìs, lơh gơ jrañ kơ uềng tàm tơngai do, ai tơlik gùng dà pơlam, broă lơh geh ngan nàng tơnguh uă cồng nha lơh jat kơnòl broă cíñ trị kwơ màng do tàm tơngai tus”.