VOV4.K’ho - Drim òr (12/08), tàm ƀòn dờng Nha Trang, càr Khánh Hoà, Kông đoàn Anih jơnau đơs Việt Nam pơgồp bal mờ Anih pờ tơlik jơnau đơs tiah tàm gùl lơgar bơyai lơh pơrlòng tàp pràn să jan mờ đơs crih tamya tiah tàm gùl lơgar mờ Tây Nguyên nam 2022.

Mò Vi Thanh Huyền, Phó Củ tịc Kông đoàn Anih jơnau đơs Việt Nam bal mờ ală cau tàm mpồl bơyai lơh pà bơkào bồng bi lời kir ală mpồl tus pơrlòng in

                                                            Ală mpồl tus bal pơrlòng duĭ che

Tàm dơ̆ pơrlòng tàp pràn să jan mờ đơs crih tamya tiah tàm gùl lơgar mờ Tây Nguyên nam 2022 geh bơyai lơh tàm bàr ngai bơh ngai 12 tus 13 nhai 08. Do là broă lơh chài rơgơi tàp pràn să jan nam 2022 geh Kông đoàn Anih jơnau đơs Việt Mam lam lơh, nàng mùl màl chờ gờm ală ngai kwơ màng dờng dà lơgar dê, pơrlòng lơh geh cồng nha chờ gờm tơnkah 77 nam ngai crơng gơs Anih jơnau đơs Việt Nam (7/9/1945 - 7/9/2022). Tus bal pơrlòng geh mờr 100 nă kwang bàng, cau ai tơngit jơnau, cau lơh broă tus bơh 08 mpồl gơwèt Anih jơnau đơs Việt Namtàm tiah tàm gùl lơgar mờ Tây Nguyên. Tàm 2 ngai, ală mpồl geh pơrlòng tàm ală tơngu me: plai tơnò, sơnđoh ƀào, duĭ che. Bơdìh mờ bơnah pơrlòng tàm môn tàp pràn să jan, ală mpồl tus bal pơrlòng đơs crih tamya mờ ală jơnau đơs crih niam bơnă ngan.

Cau mblàng Ndong Brawl