Tàm ƀòn dờng Pleiku, Ală mpồl Lòt nhơl càr Gia Lai pa bơyai lơh pơrjum cribơyai “Jờng rơ niam chài jơi bơtiàn dồ ết nă cau- lòt bal mờ lòt nhơl bơtàu tơnguh”, mờ bơta tus bal bơh ala mat Kụk Lòt nhơl Dà lơgar Việt Nam mờ uă mpồl lơh sa kă bro drơng năc lòt  nhơl tàm càr mờ bơdìh càr.

Ală cau ala mat neh cribơyai, tam pà bal uă broă lơh nàng kờñ pơgồp bal bơtàu tơnguh lòt nhơl mờ prap gàr bơta kwơ niam chài ù tiah dê, mơkung sơnio bơta kòl yan tŭ do dê là ờ tơl kơrnoat boh lam loh làng ai broă lơh lòt nhơl mpồl bơtiàn in. Uă jơnau đơs ring bal Gia Lai pal bơt bơtàu broă lơh kwơ màng ờs mờng jŏ tơngai, gĭt nền mat kă bro lòt nhơl pơn rơ mờ ală pơrya bè cing mồng, yal yau, bơta chài lơh hìu rông dê. Is ồn, pal jàu gơnoar broă cau tờm ai làng bol jơi bơtiàn dồ ết nă cau in, dong khi in yal wơl jơnau yal bơhiàn niam chài bơh he dê bơh rùp hin, video mờ tàm internet, pơpgồp bơnah lơh gơrề uă niam chài Gia Lai dồ bă duh hồl mờ kơnhăp jŏ.