Nùs nhơm khin cha jak chài bơh kac màng nhai 8 nam 1945 dê bal mờ bơta kơp kờñ lơngăp lơngai is jơi bơtiàn dê geh ai tơnggŏ bơh broă bơyai lơh ală jơi bơtiàn càr Gia Lai bal mờ gùt lơgar ntàu brồ guh sền gàr rài lơngăp lơngai is. Is ồn, jơnau bơyai lơh “Wa Hồ kis sùm mờ Tây Nguyên” neh pờ sră Wa Hồ pơyua Pơrjum dờng cau ala mat ală jơi bơtiàn dồ êt nă cau tiah đah jum dà lơgar tàm Pleiku nam 1946, bal mờ rùp să Wa Hồ geh pơnđàng tàm gùl ù tiah brê bơnơm, ñŏ lơbơn niam bè jat sền tơl cơnđuà bơtàu tơnguh bơh càr Gia Lai dê tŭ do.

Tơn jơh broă lơh là ròt ală jơnau bơyai lơh pa, cèng bơta is ồn kơnòm să “Rê mờ Gia Lai – Mat Pleiku” mờ “Gia Lai – Tiah bơta niam chài bơtòm tơrgùm”, ai tơnggŏ wơl dùl ù tiah bềng bơta pràn kis, ngac ngar mờ mut gơ rờm bal. Mang đơs crih tamya bềng bơta ngoh rơngac, jờng rơ bơhiàn bơh yau mờ bơta kơp kờñ brồ să pràn kơldang, pas siơm bal mờ jơi bơtiàn bơh càr Gia Lai pa dê.