Do là broă lơh pah nam bơh Ƀộ Kông thương dê nàng kờñ lơh jat dơ̆ hòi jà “Cau Việt Nam lài ngan ngui saphan bơna Việt Nam” bơh Ƀộ Cíñ trị lam lơh. Mờ jơnau sồr Bơt bơtàu ù tiah mpồl bơtiàn mpồl lơh sa jă bro lơh sa, kă bro phan bơna Việt Nam, dơ̆ lơh chờ “Pơn yờ să phan bơna Việt Nam- bơta niam bơnĕ phan bơna Việt Nam” nam do geh uă bơta pa, mờ dùl ròt ală broă lơh pơgồp bal ală mpồl lơh sa kă bro, hợp ták xã, hìu bơnhă cau lơh broă sa lơh geh ù tiah mpồl bơtiàn mpồl lơh sa kă bro lơh sa, kă bro phan bơna Việt Nam. Dơ̆ lơh chờ geh bơta pơgồp bal bơh mờr dùl rơhiang mpồl lơh broă tus bơh ală tập đoàn lơh sa, ală drà, ală hợp ták xã, hìu bơnhă dềt cèng tus phan bơna Việt Nam li la, uă ngan.

Anih ràng tăc phan yal tơngĭt phan bơna Việt Nam geh bơta niam uă nam 2022

13 nam do, Ƀộ Kông thương neh sùm hòi jà tơl rơnàng làng bol tàm xã lài ngan ngui sa phan bơna Việt Nam mờ dong kờl, hòi jà mpồl lơh sa kă bro lơh ngan bơcri priă, lơh gơlik phan, tăc bro phan bơna, phan bơna geh bơta niam uă. Den tàng, khà phan bơna Việt Nam dê tàm ală drà pa ngan tàm lơgar sùm geh tus bơh 80 tus 90% mờ rlau 60% tàm ală drà ờs mờng.