Do là nam sơn rờp hìu bơsram gơ wèt Ủy ƀan Zân tộk. Gơ wèt ală hìu bơsram krơi is bơh gùt lơgar dê, Hìu bơsram zự ƀị Đại họk kòn cau dà lơgar là hìu bơsram zự ƀị sơn rờp geh crơng gơs tàm gùt lơgar nàng lam lơh broă lơh dong kờl kòn cau bơh Đảng mờ Dà lơgar dê tàm gah bơto bơtê mờ bơsram. Tàm ală nam do, neh geh rlau 23 rbô nă kơnòm bơsram ală rơnàng neh dờng pràn, tŭ do gam lơh broă tàm làm gùt ù tiah dà lơgar.

Do là nam sơn rờp Hìu bơsram Zự ƀị Đại họk kòn cau dà lơgar gơ wèt Ủy ƀan Zân tộk

Tŭ do, Hìu bơsram zự ƀị Đại họk kòn cau dà lơgar gam là hìu bơsram bơto bơtê gah zự ƀị đại họk kòn cau dờng ngan rlau jơh gùt lơgar, mờ 1 rbô nă kơnòm bơsram geh rơ wah pah nam nàng pơn jat tai bơto bơtê jat tơl khà lik klờng bơh broă lơh bơto bơsram 3 kâp dê lài mờ tŭ rơ wah ală oh lòt bơsram tàm ală hìu bơsram đại họk.