Pơgồp bơnah prap gàr, ngui niam ală bơta kwơ niam chài bơh yau; wèt tus gờm chờ tơngkah kir sơn rai 40 nam Ngai cau pơgru Việt Nam mờ tơngkah kir sơn rai 110 nam Ngai crơng gơs càr Kon Tum, Tàm hìu rông Kon Klor, sơnah ƀòn Thắng Lợi, Phòng Giáo dục mờ Đào tạo ƀòn dờng Kon Tum, càr Kon Tum bơyai lơh pơrlòng dròng cing jañ mồng- Tam ya xoang mờ pơrlòng phan soh kòn cau dùl ết nă cau ai kơnòm bơsram in dơ̆ 6 nam 2022.

Dơ̆ pơrlòng dròng cing jañ mồng- Tam ya xoang mờ pơrlòng soh phan kòn cau dùl ết nă cau ai kơnòm bơsram in geh Phòng Giáo dục mờ Đào tạo ƀòn dờng Kon Tum lơh sùm 2 nam dùl dơ̆.

Tàm pơrlòng dơ̆ 6 nam do geh 16 mpồl mờ mờr 1 rơbô 100 nă kơnòm bơsram tus bal. Tàm tơngai bơyai lơh dơ̆ pơrlòng, geh rlau 300 nă kơnòm bơsram tus bal ràng tơlik dròng cing jañ mồng, 500 nă kơnòm bơsram tam ya xoang mờ mờr 250 nă kơnòm bơsram ràng tơlik phan soh kòn cau dùl ết nă cau. Jơh ală kơnòm ndrờm là kơnòm bơsram kấp dùl mờ kấp 2 uă ngan là oh kòn làng bol kòn cau Bahnar.

Broă lơh sùm bơyai lơh dơ̆ pơrlòng dròng cing jañ mồng- Tam ya xoang ai kơnòm bơsam  in là broă lơh geh ngan bơh gah bơto bơtê ƀòn dờng dê nàng prap gàr, ngui niam ală bơta kwơ niam chài bơh yau, sơlơ bơtàu tơnguh, lơh gơ kờñ nùs nhơm ală kơnòm dềt in ngai sơlơ uă mờ dong ală kơnòm bơsram sră jak, geh kơlôi sơnơng mờ lơh broă niam.