VOV4.K’ho-Di ngai tài cau gơtìp sơnơm khih dioxin lơh aniai Việt Nam (10/08), tàm càr Kon Tum, Ràng tơlik “Dioxin- nùs nhơm mờ bơta di pal” bơh Mpồl cau gơtìp sơnơm khih dioxin lơh aniai Việt Nam, Biñ củng hoá họk mờ Ủy ƀan Ñân zân càr Kon Tum pơgồp bal bơyai lơh pơn jat tai gơ hòi gơ jà năc tus sền.

Ală kơnòm bơsram tàm ƀòn dờng Kon Tum tus sền dơ̆ ràng tơlik

Tơrgùm kờp bơh Ƀảo tàng Thư viện càr Kon Tum dê pà gŏ, tàm 20 ngai do neh geh rlau 1 rơbô nă năc tus sền ràng tơlik “Dioxin- nùs nhơm mờ bơta di pal”. Tàm ală năc tus sền geh uă năc bơh lơgar ndai mờ cau gơtìp sơnơm khih dioxin lơh aniai bơh ling klàng Mỹ dê rơsìh tàm tiah đah Jum dà lơgar tàm rài tam lơh sơgràm phà Việt Nam tơngai bơh nam 1961 tus nam 1971.

Dùl nă năc tus sền ngoh rơngăc

Pơn jat tai pờ mpồng wă năc tus sền tus jơh ngai 25/08 tus, ràng tơlik “Dioxin- nùs nhơm mờ bơta di pal” yal mờr 400 rùp hin, sră nggal, phan lời kir. Bơh dơ̆ ràng tơlik, làng bol mờ năc tus sền gĭt loh rlau tai bè jơnau gơ lời wơl bơh sơnơm khih dioxin dê lơh aniai gơwèt mờ tiah ơm kis mờ pràn kơl dang să jan kòn bơnus dê.

Cau mblàng K’Hạnh