Tàm ală broă lơh tơngkah kir sơnrai 93 nam Ngai crơng gơs Đảng Kộng sản Việt Nam mờ 110 nam Ngai crơng gơs càr Kon Tum (9/2/1913- 9/2/2023), drim ngai  (6/2) tàm kơnhoàl Tu Mơ Rông, càr Kon Tum geh bơyai lơh dơ̆ lơh chờ Khiñ Khí kầu Kơnuh sơnơm Ngọc Linh K5 “Par rê tàm brê bơnơm dờng ơning ơnàng”.

Tàm dơ̆ lơh chờ, kờp jơh geh 30 nơm Khiñ khí kầu par tàm ù tiah kơnhoàl Tu Mơ Rông dê, tiah lơh gơlik phan lơh sơnơm kwơ tờm “dà lơgar sền gàr” kơnuh sơnơm Ngọc Linh. Tus bal dơ̆ lơh chờ, năc mờ làng bol tàm tiah do geh par ờ sa priă tàm Khiñ khí kầu nàng sền gĭt, sền ù tiah niam bơnĕ ngan bơh brê bơnơm dê. Bơta kwơ màng ngan tus bal tàm dơ̆ lơh chờ dê geh Trung tướng, Cau ling khin cha jak chài mpồl ling phàu crong làng bol ồng Phạm Tuân, cau sơn rờp bơh lơgar Việt Nam mờ câu Á dê par tềng hơđang kơl wàng trồ tàm nam 1980.