Tus bal Dơ̆ pơrlòng plung lơh mờ dơm chi ờs mờng bơh yau ƀòn dờng Kon Tum pờ ơnàng nam do geh 11 mpồl tàm pơrlòng bal mờ 60 nă cau pơrlòng. Ală mpồl plung tàm pơrlòng tus bơh 9 xã, sơnah ƀòn bơh ƀòn dờng Kon Tum mờ 2 kơnhoàl: Sa Thầy mờ Ia H’Drai dê. Ală mpồl plung tàm pơrlòng bơta jak tàm bơta ngài 200 thơk mờ 1 rbô 500 thơk. Dơ̆ pơrlòng là tŭ nàng ală cau pơrlòng tàp pràn să jan in tìp măt, lơh kwèng, prăp gàr mờ bơtàu tơnguh môn tàp pràn să jan jơi bơtiàn, lơh geh nùs nhơm tàm pơrlòng bồ sơnam pa mờ gờm chờ tơngkah kir sơnrai 110 nam ngai crơng gơs càr Kon Tum.

Tơnơ̆ ală dar tàm pơrlòng bơta jak duh hồl ngan, lồi dŭt yô cau tàm pơrlòng tàp pràn să jan xã Kroong, ƀòn dờng Kon Tum pơrlòng geh khà dùl bơta ngài 200 thơk; yô cau pơrlòng tàp pràn să jan xã Sa Bình, kơnhoàl Sa Thầy pơrlòng geh khà dùl bơta ngài 1 rbô 500 thơk. Mpồl bơyai lơh jàu khà jờng Mpồl geh uă plung tàm pơrlòng ngan rlau jơh ai mpồl plung pơrlòng xã Sa Bình in mờ mpồl plung pơrlòng xã Kroong pơrlòng geh khà dùl gùt mpồl.