Mờ tơngume “Mpoong Cing Tây Nguyên- Tiah đah jum mat tơngai lik câu Á tơrgùm bal”, broă lơh tơrgùm 12 mpồl cau chài bơh Gia Lai, Dăk Lăk, Lâm Đồng, bàr pe càr tiah đah tô dà lơgar bal mờ ală mpồl đơs crih tam ya lơgar Thái Lan, Lào mờ Malaysia. Broă lơh nàng kờñ jờng rơ Ù tiah niam chài cing Tây Nguyên- phan lời wơl niam chài ờ di phan bơna ala mat jơi bơtiàn kòn bơnus dê, mơkung yal tơngĭt bơhiàn niam chài mờ bơta ƀuơn bơta pràn lòt nhơl bơh càr Lâm Đồng dê.

 Jat ồng Đinh Văn Tuấn - Phó Củ tịc Anih duh broă Làng bol càr Lâm Đồng, ală broă lơh rơ̆p geh bơyai lơh dồ ròt bal tàm 3 tiah pơn rơ ngan “rơbô bơkào” Dà Làc, “dà lềng tơlir” Bình Thuận mờ “brê bơnơm dờng ơning ơnàng” Dăk Nông. Broă lơh wèt tus broă lơh geh Festival Cing 2 nam dùl dơ̆, pơgồp bơnah prap gàr phan lời wơl, sơlơ tơnguh tai tìp mat lơh kwèng đơs crih tam ya tiah đah Jum mat tơngai lik câu Á mờ đơs nền gơnoar broă Lâm Đồng dê- ù tiah tơrgùm bal, lơh gơrề uă bơta kwơ niam chài Tây Nguyên lik tus tàm dunia.