VOV4.K’ho- Di tơngkah kir sơnrai 77 nam Ngai Sơn tờm dà lơgar ngai 02/09, mho ngai 25/08, tàm thị trấn Đinh Văn, kơnhoàl Lâm Hà, càr Lâm Đồng dê, càr Lâm Đồng neh bơyai lơh pơrlòng ală Mpồl Niam chài- Đơs crih tam ya bơh yau dơ̆ dùl nam 2022.

Tus bal pơrlòng dơ̆ do geh rlau 260 nă cau đơs crih tam ya làng bol tus bơh 13 mpồl niam chài- đơs crih tam ya bơh yau càr Lâm Đồng dê. Pơrlòng nàng kờñ jờng rơ mờ ngui niam bơta kwơ ală broă lơh đơs crih tam ya bơh yau bơh jơi bơtiàn Việt Nam dê đơs bal, ală jơi bơtiàn kòn cau dùl êt nă cau càr Lâm Đồng dê đơs is. Tàm tơngai 2 ngai, 53 jơnau đơs crih tam ya jờng rơ bè Đảng, Bác Hồ kờñ gơboh, jờng rơ bơta kờñ gơboh ƀòn lơgar dà lơgar geh ală mpồl rơhời pơrlòng bơh uă jơnau, bè jơnau pơnđik, jơnau tam pla, đơs pơnđiang, lơh lèu, tuồng, cèo, đơs cải lương, teh kơlñi mpồl bal, pĕ đờng gòng kòn cau...

Cau mblàng Lơ Mu K’Yến