Lơh chờ kờp dŭ sơm đờm lơh tàm mang ngai 29 nhai 8, geh tơngu me “Kơ̆p kờñ dà lềng tơlir – Brê bơnơn dờng àng gơcrà”, tàm tiah drà dà lềng Quy Nhơn.

Bal mờ hơ̆ là uă broă lơh pơnrơ ngan bè: Lơh gùng tàm gùng ƀòn “rùp să dà lềng”; Ngai chờ niam chài kơphe, cing mồng Tây Nguyên; Lơh chờ phan sa “Phan sa bơkah bơh ù bazan mờ dà lềng”; ràng tơlik phan OCOP mờ ƀòn lơh broă ờs mờng; ală broă lơh ràng tơlik võ Bình Định rơ̆p geh tàm bơrlŭ bal mờ broă dròng cing mồng Tây Nguyên, tuồng mờ ƀài còi. Lơh chờ rơ̆p tơn jơh mờ broă lơh àng gơcrà krơi is tàm Ƀlàng dờng Nguyễn Tất Thành. Do là dùl broă lơh krơi is ngan nàng pơgồp bal ală bơta kwơ ờs mờng, ai geh bơta niam chài krơi is càr Gia Lai tơnơ̆ do in.