Cau chài Linh Nga Niê Kdăm, mat tờm là H Linh Niê Kdăm, kòn cau Rơđê, deh nam 1948 tàm Việt Bắc. Tơnơ̆ 25 nam bơsram tàm tiah đah tô dà lơgar, mò rê wơl Dăk Lăk, lơh broă tàm Mpồl đơs crih tamya kòn cau càr mờ gơnoar broă là cau đơs crih, lòt đơs crih drơng làng bol tàm tiah sar lơgar ngài.

Tìp mat boh bơr đah 3 nă cau bơceh jơnau đơs crih Linh Nga, Nguyễn Cường mờ Y Phôn Ksơr

Tàm gah bơceh, mò geh uă jơnau đơs crih, jơnau cih bè ù tiah Tây Nguyên- Dăk Lăk, geh gal ngan cau kờñ. Tơnơ̆ hơ̆ mò lơh kwang atbồ Hìu bơsram Kao đẳng Văn hóa Nghệ thuật Dăk Lăk, bơto tơn sap đơs crih tàm hìu bơsram. Uă rơnàng kơnòm bơsram, cau bơsram dờng bơh mò dê neh lơh geh cồng nha tàm gùng đơs crih, tàm hơ̆ geh ƀồc ồng Y Moan Êñuôl mờ cau bơceh jơnau đơs crih Y Phôn Ksơr.

Dơ̆ bơyai lơh geh uă jơnau đơs crih gơ jat bal mờ mat sơnđan bơh mò Linh Nga dê

Tàm mang đơs crih, cau sền geh iat ală jơnau đơs crih gơ jat bal mờ mat sơnđan mò Linh Nga Kiê Kdăm dê mờ geh sền dơ̆ tìp mat đah 3 nă cau bơceh jơnau đơs crih là Linh Nga, Nguyễn Cường mờ Y Phôn Ksơr, git bơta jơh nùs khi dê lời ai ù tiah mờ gùng đơs crih Tây Nguyên in.