Mpồl Văn học Nghệ thuật Dăk Lăk bơyai lơh pơrjum tơn jơh broă lơh Mpồl dê
Thứ bảy, 10:09, 24/12/2022
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai 23/12, Mpồl Văn học Nghệ thuật Dăk Lăk bơyai lơh pơrjum tơn jơh broă lơh Mpồl dê, jàu khà jờng Văn học Nghệ thuật nam 2022 mờ lam lơh gùng dà broă lơh kơnòl broă nam 2023.
Tàm nam do, Mpồl Văn học Nghệ thuật Dăk Lăk neh geh broă lơh geh ngan tơngakh kir sơnrai ală ngai chờ dờng, broă lơh cíñ trị bơh càr mờ bơh Dà lơgar dê. Bơta tờm ngan bơh broă lơh Văn học Nghệ thuật nam do dê ngan là geh uă jơnau cih nàng kờñ lơh jat mờ lơh gơ rề uă dơ̆ hòi jà Bơsram mờ lơh jat krơh niam rài kis Hồ Chí Minh dê.
Jat hơ̆, neh geh 150 jơnau cih bè tơngume do geh cih tàm ală pang băo Chư Yang Sin (pang băo ờs mờng bơh Mpồl Văn học Nghệ thuật Dăk Lăk dê). Tàm pơrjum, Mpồl Văn học Nghệ thuật càr Dăk Lăk neh jàu khà jờng Văn học Nghệ thuật nam 2022 ai 28 jơnau cih; pà khà jờng ai ală cau tàm mpồl geh jơnau cih jak ngan bè tơngume “Bơsram mờ lơh jat bồ tơngoh, nùs nhơm, broă lơh mờ rài kis Hồ Chí Minh dê”.
Viết bình luận