Nàng prăp gàr, tơnguh bơta niam, bơta kwơ ồi yau bơh làng bol ală kòn cau kis tàm Tây Nguyên, tàm 2 ngai bơh 29 mờ 30 nhai 10, tàm thị trấn Măng Đen, kơnhoàl Kon Plông, càr Kon Tum geh bơyai lơh dơ̆ tơlik soh ào kăp mờ phan soh ào yau Tây Nguyên geh UɃÑZ kơnhoàl Kon Plông pơgồp bal mờ cau chài lơh phan soh Minh Hạnh bơyai lơh.

            Geh ờ uă bơta phan soh geh yal tàm dơ̆ soh ào kăp mờ phan soh ờs mờng kòn cau Tây Nguyên dê

            Geh ờ uă bơta phan soh geh yal tàm dơ̆ soh ào kăp mờ phan soh ờs mờng kòn cau Tây Nguyên dê

        Geh ờ uă bơta phan soh geh yal tàm dơ̆ soh ào kăp mờ phan soh ờs mờng kòn cau Tây Nguyên dê

Broă soh ào kăp mờ ào yau Tây Nguyên geh bơyai lơh tàm bàr tiah là ñrùh Pa Sỹ mờ geh lơh tơn tàm brê nho tềng gah gùng Hùng Vương, thị trấn Măng Đen, kơnhoàl Kon Plông, càr Kon Tum. Tus bal dơ̆ lơh tàm broă lơh do geh 100 nă cau soh phan là kòn cau mờ 40 nă cau chài, cau hàng. Jơh 200 bơta ào kăp, phan soh yau geh cau chài tàñ mờ brài bơrteh Bảo Lộc mờ broă bơka niam ngan, di pal mờ broă kờñ phan soh tŭ do dê bơh cau chài lơh phan soh Minh Hạnh dê bal mờ ală cau lơh broă bal. Do là dùl tàm uă broă lơh wèt tus tơnkah 110 nam crơng gơs càr Kon Tum (9/2/1913- 9/2/2023) mờ kơ̆p kờñ cèng geh wơl bơta niam pa ai phan soh yau, tơnguh bơtàu broă tàñ phan yau.