Ngai chờ geh tơngume “Bạc Liêu tàm tơrbŏ bal bơta niam bơnĕ phan lời wơl mờ bơta kơ̆p kờñ bơtàu tơnguh” tàm hơ̆ geh 14 broă lơh, geh bơta tus bal tă pơgồp bơh 25 càr, ƀòn dờng tàm jơh gùt lơgar dê. Bơta pơn rơ ngan bơh Ngai chờ dê là bơta pơgồp bal niam đah gah niam chài mờ nhơl chờ; jờng rơ bơta kwơ jơnau bơceh cih Dạ kổ hoài lang bơh cau cih là ƀồc ồng Cao Văn Lầu dê bơceh cih pơgap mờ do rlau 100 nam, mơkung prap gàr mờ lơh gơrề uă bơta chài Đờn ca tài tử tiah đah Jum dà lơgar dê neh geh UNESCO jờng rơ là phan lời wơl niam chài ờ di phan bơna kòn bơnus gùt dunia dê.

Đơs tàm dơ̆ sơnđờm mŭt lơh Ngai chờ, Phó Thủ tướng Cíñ phủ ồng Vũ Đức Đam đơs là: Ngai chờ niam chài- nhơl chờ Bạc Liêu mờ dơ̆ lơh chờ Dạ kổ hoài lang nam 2022 là broă lơh geh ngan lơh jat jơnau đơs pơndŭt bơh Tổng Ƀí thư ồng Nguyễn Phú Trọng dê tàm pơrjum Niam chài jơh gùt lơgar geh bơyai lơh pơgap mờ do tòm 1 nam, wèt tus jơnau kờñ prap gàr mờ ngui niam rlau tai bơta kwơ ală phan lời wơl niam chài, bơt bơtàu rài niam chài pa, bềng bơta niam bơnĕ jơi bơtiàn dê.