Geh lơh bơh tŭ do tus jơh ngai 24/11 do, ràng tơlik geh yal 86 pang rùp wac mòn bơh ală cau wac mòn rùp tàm càr mờ bơdìh càr Dăk Lăk. Ală rùp sền geh lơh mờ uă bơta phan krơi is bè trah mòn rùp, phấn tiên, rùp sơng zờu, rùp wac mòn tàm biài bơr tèl, lip mica, sờng mài, ai tơnggŏ niam ngan ală gah bơh rài kis mpồl bơtiàn dê, bơta niam ù tiah mờ kòn bơnus, bơta kờñ gơboh ƀòn lơgar, dà lơgar, bơhiàn ờs mờng, bơta niam chài krơi is bơh ală jơi bơtiàn kòn cau gam ơm kis tàm Tây Nguyên.

Ràng tơlik rùp wac mòn càr Dăk Lăk dơ̆ do geh lơh jat bơnàng jă ràng tơlik kàl hàm tiah kơh bơnơm bơh Kâu lạk ƀộ rùp wac mòn, anih tờm niam chài càr Dăk Lăk dê lài do. Do là broă niam chài đơs crih tamya kuơmàng, pơgồp bơnah uă ngan tàm broă mblàng yal, yal tơnggit rùp hin ƀòn lơgar mờ kòn bơnus Dăk Lăk “gơguh jak- rềp mềr- kờñ nac” tus mờ nac nhơl chờ tàm lơgar mờ bơdìh lơgar.