Yal tàm dơ̆ cribơyai, bơh nam 2018 tus tŭ do, càr Dăk Lăk neh bơsong 49 dơ̆ lơh tìs mờ priă jền bè phan brê, tàm hơ̆ geh uă dơ̆ lơh tìs gơrềng tus tăc bro bla rwas mờ ală phan bơna bơh rwas. Tàm khà do, geh 2 nă cau tàm ƀòn dơng Buôn Ma Thuột gơtìp lơh glài mờ priă rlau 390 tơlak đong dùl nă, dùl nă cau ndai gơtìp lơh glài kŭp jàm 18 nhai. Mìng is tàm 6 nhai bồ nam do, kờp jơh priă geh bơh lơh glài mờ priă ală broă lơh tìs bè bla rwas tàm Dăk Lăk là rlau 2 tơmàn đong.

Ală kwang bàng tă pơgồp jơnau đơs tàm dơ̆ cribơyai

Tàm dơ̆ cribơyai, ală mpồl lơh sa kă bro drơng broă nhơl chờ neh tàm lùp bè broă tơnguh uă bơta gĭt wă bơh năc lòt nhơl dê tàm broă lơh sền gàr rwas, kơryan ală broă lơh tìs bè bla rwas.

Ală mpồl kĭ hơ bal lòt bal sơmbăt tê bal yal tơngĭt ù tiah ƀòn lơgar Dăk Lăk- Anih tus đềt mềr mờ Rwas

Broă mblàng yal pal yal tơngĭt ù tiah ƀòn lơgar Dăk Lăk- Anih tus đềt mềr mờ Rwas, pal tơnguh uă bơta gĭt wă bơh mpồl cau lơh broă nhơl chờ dê nàng khi pơgồp bơnah mblàng yal mờ năc lòt nhơl in.