VOV4.K’ho - Mho òr (23/08), tàm hìu pơrlòng Tàp pràn să jan càr Dăk Lăk tàm ƀòn dờng Buôn Ma Thuột, càr Dăk Lăk, ala măt Mpồl coh plai Việt Nam, Ƀăo Thiếu niên Tiền phong mờ Nhi đồng, Sở Văn hoá Thể thao mờ Zu lịc càr Dăk Lăk bal mờ cau dong kờl pơgồp bal bơyai lơh sơn đờm “Pơrlòng coh plai U9 gùt lơgar Cup Toyota 2022”.

Ala măt mpồl bơyai lơh pơrlòng coh plai jào bồng bi mờ bơkàu pơn jlam sồr ală mpồl coh plai 

Dơ̆ coh plai bơh sơnrờp tơnơ̆ dơ̆ bơyai lơh sơnđờm đah mpồl coh plai U9 Dăk Lăk mờ Hải Phòng

Pơrlòng geh bơyai lơh bơh ngai 23 tus 31 nhai 8 nam 2022. Pơrlòng nam do geh mờr 260 nă cau chài coh plai dềt (geh sơnam bơh 9 mù hờ đơm) bơh 16 mpồl coh plai là ală càr geh broă coh plai tơnguh bơtàu pràn, tàm hơ̆ geh: Phú Thọ, Sotek Bắc Ninh, Luxury Hạ Long, Quảng Ninh, HYS Hà Nội, Mpồl coh plai Hà Nội, Mpồl coh plai Hải Phòng, Việt Hùng Thanh Hóa, Sông Lam Nghệ An, VietFootball, Kon Tum, PSFC Gia Lai, Ngọc Hùng ƀòn dờng Hồ Chí Minh, Thuận An Bình Dương, Minh Phát Bắc Giang, Văn Tâm Đồng Nai mờ càr Dăk Lăk tus bal pơrlòng dơ̆ do.

Cau mblàng Ndong Brawl