Sơnđờm mŭt lơh ù tiah ràng tơlik Đăng trồ Tây Nguyên tàm Festival Bơkàu Dà Làc
Thứ bảy, 09:56, 12/11/2022
Cau mblàng Lơ Mu K'Yến/VOV Tây Nguyên
Cau mblàng Lơ Mu K'Yến/VOV Tây Nguyên
VOV4.K’Ho- Mho ngai 11/11, tàm gah tơnau dà Hồ Xuân Hương, ƀòn dờng Dà Làc, neh geh lơh broă lơh sơnđờm mŭt lơh ù tiah ràng tơlik “Đăng trồ Tây Nguyên” mờ dơ̆ bơyai lơh “Soh ồi àu tàñ mờ biài bơrteh mờ ồi yau Tây Nguyên”.
Do là broă lơh sơnđờm ai dùl ròt broă lơh geh 9 broă lơh bơh Festival Bơkàu Dà Làc dơ̆ 9 nam 2022. Năc lòt nhơl mờ làng bol tàm do geh lòt sền, nàng gĭt bè ù tiah niam chài bơh yau kòn cau tàm tiah Tây Nguyên dê bal mờ ală hìu rơng yau geh jun pơndiang, crăp lơh roh uă ngan tŭ jiơ. Kwơmàng tàm hìu hơ̆ geh hìu rông Măng Đen bal mờ ală cau chài tàñ ồi yau, tàñ phan, trah mòn rùp mờ dơm chi tus bơh Kon Plông, càr Kon Tum.
Mơkung sền ală phan tơrgùm rlau 5 rbô phan yau niam chài; sền gŏ bơta pơgồp bal bềng bơta niam chài bơh pang rùp dê, bơh rùp să biài bơrteh Silk house dơ̆ sơnrờp geh tàñ mờ tê bơh làng bol kòn cau tờm Tây Nguyên dê tàñ gơs ală phan soh pa niam ngan.
Viết bình luận