VOV4.K’ho- Mho ngai 18/09, tàm ƀlàng coh plai Pleiku, geh bơyai lơh dơ̆ sơnđờm pơrlòng dờng tàp pràn să jan càr Gia Lai dơ̆ 9 nam 2022. Pơrlòng dờng Tàp pràn să jan càr Gia Lai dơ̆ do geh bơta tus bal bơh 20 mpồl tàm pơrlòng bơh 17 kơnhoàl, thị xã, ƀòn dờng mờ 3 gah: Kwang àng, Giáo dục-Đào tạo, Ling klàng mờ rlau 1 rơbô 800 nă cau tàm pơrlòng.

Sơnđờm mŭt pơrlòng dờng tàp pràn să jan càr Gia Lai dơ̆ 9 nam 2022

Ală cau tàm pơrlòng pơrlòng 197 gai lòng tàm 19 môn pơrlòng: coh plai, bong chuyền, kéo ko, pañ kăm, đẩy gậy, cầu lông, krarate, tawondo, vovinam.... Pơndrờm mờ dơ̆ Pơrlòng dờng tàp pràn să jan jơh gùt càr dơ̆ 8 dê, dơ̆ pơrlòng do geh tai môn re dà. Lài mờ tŭ bơyai lơh dơ̆ sơnđờm mŭt lơh, bơh ngai 09/08, Dơ̆ pơrlòng dờng tàp pràn să jan càr dơ̆ 9, neh geh bơyai lơh uă tơngume pơrlòng. Kờp tus ngai 18/09, mpồl tàm pơrlòng ƀòn dờng Pleiku gam lam lài, kơnhoàl Ia Grai ơm tàm mpồl dơ̆ 2 mờ 24 nơm gai lòng, kơnhoàl Đức Cơ ơm ing tàm khà dơ̆ 3. Dơ̆ pơrlòng dờng geh tơn jơh tàm ngai 23/09.

Cau mblàng K’Hạnh