VOV tơlik măt sră tơnkah 80 nam mờ jào khà jờng Sơrmañ nhai 9
Thứ sáu, 07:56, 05/09/2025
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Drim òr (04/09) tàm Hà Nội, Anih jơnau đơs Việt Nam (VOV) tơlik măt sră “Anih jơnau đơs Việt Nam – 80 nam lòt bal mờ dà lơgar”, di tơnkah 80 nam crơng gơs (07/9/1945-07/9/2025).
Pang sră mờr 500 pang cih wơl bơhiàn ờs mờng, nùs nhơm kơ̆ dơn sơrlèt mờ kal ke, ai tơngŏ bơngă VOV, yal broă lơh bơh uă rài kwang bàng, cau ai tơngit jơnau, cau chài lơh broă mờ gùng dà bơtàu tơnguh tàm rài sồ.
Kung dùl ngai bal, Dơ̆ jào Khà jờng Săp đơs Việt Nam – Sơrmañ nhai 9 nam 2025 geh bơyai lơh, jờng rơ 38 jơnau cih gơwèt 6 gah broă sră ƀăo mờ ală jơnau bơceh gơguh niam chài. Khà jờng hòi jà geh 85 jơnau cih tus pơrlòng, tàm hơ̆ geh ƀăo pơ-àr, ƀăo điện tử mờ tàm bơta sồ geh tus rơlao 75%. Mpồl cau ai khà neh jào 9 khà Biàng, 11 khà Màh mờ 11 khà Lơngô. Ală broă lơh neh ai tơngŏ gơnoar, bơngă bơh VOV dê tàm rài kis sră ƀăo – mblàng yal, mờ pơlam bơceh lơh, tam gơl pa tàm mpồl ală cau lơh ƀăo.
Viết bình luận