VOV4.K’ho- Mho ngai 05/8, tàm ƀòn dờng Buôn Ma Thuột, geh lơh Pơrjum yal tơnggit, hòi jà bơcri priă nhơl chờ anih tus 5 càr “Quảng Bình- Quảng Trị- Thừa Thiên Huế- Đà Nẵng- Quảng Nam” tàm ală càr Tây Nguyên.

Pơrjum nàng kờñ yal tơnggit rùp să tiah phan lời wơl crih crài, yal tơnggit ală phan bơna nhơl chờ mờ broă lơh tơnguh jơnau kờñ bơh 5 càr tiah tàm gùl lơgar dê là Quảng Bình, Quảng Trị, Thừa Thiên Huế, Đà Nẵng mờ Quảng Nam tus ală kông ty nhơl chờ, bơyai lơh lòt nhơl tàm tiah Tây Nguyên. Mờ kung tơnguh bơta lơh bal, lơh broă bal bơtàu tơnguh nhơl chờ đah 5 càr do mờ ală càr tàm tiah Tây Nguyên, lơh gơlik bơta niam ai ală mpồl lơh sa kă bro in lơh broă bal bơtàu tơnguh phan bơna nhơl chờ, sơlơ tơnguh bơta tàm tơrbŏ bal đah 2 tiah, pơgồp bơnah bơtàu tơnguh wơl, gơguh lơh sa mờ ai nhơl chờ gơs là gah lơh sa tờm ngan. Jat hơ̆, ală mpồl neh kĭ jơnau ring bal lơh broă bal, bơtàu tơnguh nhơl chờ đah alw càr tàm 2 tiah tàm gùl lơgar mờ Tây Nguyên.

Cau mblàng K’Duẩn