VOV4.K'Ho- Broă lơh Ngai Jơnau Nrĭ dơ̆ 23 tàm càr Dăk Lăk neh sơn đờm lơh drim òr (09/02), mờ uă ngan broă lơh duh hồl, niam krơi is.

VOV4.K'Ho- Gơwèt mờ ală jơi bơtiàn oờ gal cau cau kis tàm Tây Nguyên đơs bal mờ kòn cau Bơnhàr đơs is, phan ồi yau ờ mìng là ală phan geh tàñ mờ tê, mờ gam là bơta niam bơh jơi bơtiàn do dê. Tềng đăp mờ bơta gơlòt sùm bơh rài kis pa, geh uă oh mi cau ùr kòn cau Bơnhàr geh bơsram sùm nàng pơgồp bal tàm broă prăp gàr bơta niam ồi yau. Tàm hơ̆ ờ gơtùi ờ yal tus ùr ơruh Kerry, deh nam 1995, kis tàm hìu sồ 191, gùng Phan Chu Trinh, sơnah ƀòn Thắng Lợi, ƀòn dờng Kon Tum, càr Kon Tum neh lơh ngan prăp gàr mờ bơtàu tơnguh ồi yau, bơh ală pang ồi ờs mờng tus mờ ală bơta phan pa, geh uă bơta niam chài mờ lơh sa uă.

VOV4.K’Ho- Tàm ală ngai bồ nam pa Ất Tỵ do, ală tiah lòt nhơl niam chài mpồl bơtiàn tàm càr Dăk Lăk gơ gơs tiah tus gơ kờñ ngan nàng làng bol mờ năc lòt nhơl in lòt sền, sền gĭt bơta niam bơnĕ bơhiàn ờs mờng bơh ală jơi bơtiàn Tây Nguyên dê. Ală tiah bè Buôn Đôn, ƀòn Ako Dhông, ƀòn dờng Buôn Ma Thuột, Tiah lòt nhơl niam chài mpồl bơtiàn Ko Tam halà ƀòn Tring, kơnhoàl Lăk, ờ mìng lơh tơngŏ wơl rài kis pah ngai mùl gŏ ngan lơm mờ gam bơyai lơh uă broă lơh lòt nhơl gơ cèng bềng bơhiàn niam chài jơi bơtiàn dê.

VOV4.K’Ho- Pah dơ̆ sơnam pa rê, brê bơnơm Nà Hẩu mpờl gŏ pràn pràn kis pa, kung là tŭ làng bol kòn cau Mông tàm sàh Nà Hẩu, kơnhoàl Văn Yên, càr Yên Bái bơyai lơh Lơh yàng duh khuai brê gam hòi là “Sa tềp brê Nà Hẩu”. Lơh yàng do bơyai lơh là nàng kah kơlôi mò pàng bơh sơnrờp, kah ưn ngài yàng brê, mờ là nàng kờñ prăp gàr bơta niam niam chài ờs mờng bơh yau krơi is ngan bơh làng bol jơi bơtiàn tiah do dê.

VOV4.K’Ho- Drim ngai 06/02, hơ̆ là ngai 09/01 nam Ất Tỵ, tàm Tiah phan lời wơl Gơlăng bơtau Thăng Long- Hà Nội, Anih tờm Prăp gàr phan lời wơl Thăng Long- Hà Nội pơgồp bal mờ Mpồl Phan lời wơl Niam chài Thăng Long- Hà Nội bơyai lơh dơ̆ chu ñàng, sơnđờm mŭt nam pa kah kơlôi ală rơnàng mò pàng lài do, ală cau khin cha jak chài geh dà kơlhề mờ dà lơgar.

VOV4.K’Ho- Drim 06/02, càr Dăk Lăk neh bơyai lơh dơ̆ tìp măt bồ nam pa mờ mpồl cau geh bồ tơngoh jak, cau cih jơnau đơs crih tam ya, cau lơh ƀăo gam lơh broă tàm tiah do; cih dờp ală tă pơgồp kwơmàng bơh cau geh bồ tơngoh jak dê gơ wèt mờ bơta bơtàu tơngguh càr dê.

VOV4.K’Ho- Ngai 5/02, hơ̆ là ngai 8 nhai 1 he dê, mpồl bơtiàn bơh kòn cau Mường tàm sàh Hòa Thắng, ƀòn dờng Buôn Ma Thuột, càr Dăk Lăk tơrgùm wơl tàm Hìu duh kah Lạc Sơn, sàh Hòa Thắng nàng bơyai lơh dơ̆ lơh Yàng tơmù ( gam hòi là dơ̆ lơh Yàng tă tờm gơnơng).

VOV4.K'Ho- Tŭ tus tàm bồ nam pa, làng bol kòn cau Sơdàng kis tàm kòn Kon H’ring sàh Ea H’ Đing, kơnhoàl Cư̆ Mgar, càr Dăk Lăk bơyai lơh dùl dơ̆ ñô lơh yàng kwơ màng – Lơh yàng chờ kòi pa. Do ờ mìng là dơ̆ nàng mpồl bơtiàn ưn ngài yàng neh ai bơtoah, kàl lơh sa geh tơnhào uă, mờ gam là dơ̆ niam nàng tơrbŏ bal nùs nhơm tam klăc bơh ală sơlào piang hờm ram, geh uă bơta bơkah bơh phan sa ờs mờng dê.

VOV4.K’Ho- Ală ngai lồi nam 2024 pa do, jơh gùt ală ƀòn lơgar tiah kơh bơnơm A Lưới, càr Thừa Thiên Huế, làng bol kòn cau ală jơi bơtiàn Pa Cô, Tà Ôi hô hơng bơyai lơh dơ̆ lơh chờ Aza. Dơ̆ lơh chờ Aza là ngai sa tềp bơhiàn dờng màng, geh gơtha kwơ màng ngan tàm rài kis hwềng soàn bơh kòn cau tiah kơh bơnơm A Lưới dê.

VOV4.K’Ho- Mờ nùs nhơm wă rò nam Bơs bal mờ uă bơceh lơh krơi is ngan, mpồl cau chài wăc rùp G39 cèng tus 80 nơm rùp wăc sềr niam bơnĕ is ngan bal mờ tơnggume “Sa tềp nam Bơs 2025” tàm Hìu prăp gàr Rùp wăc sềr Việt Nam. Kơ̆p kờñ tam gơl bơta sền bơh cau sền dê bè rùp hin bơs, ală cau chài wăc rùp neh chài ngan ngui uă phan krơi is nàng kờñ tơnggŏ rùp hin ală bơs lơbơn niam, đềt mềr, yal tềl uă bơtuah bơtuài tàm nam pa.