VOV4.K’Ho- Dùl broă lơh geh ngan tài bơh tiah ơm kis pa geh bơyai lơh tàm drim ngai 23/02, tàm ƀòn dờng Buôn Ma Thuột, càr Dăk Lăk. Tàm gùng sră kơphê Buôn Ma Thuột, geh Thàñ Đoàn ƀòn dờng Buôn Ma Thuột pơgồp bal mờ ală mpồl lơh broă dong kờl bơyai lơh broă lơh Ngai lơh broă tài tiah ơm kis mờ tơlik mat “Trạm ai pil yau- pơgơl ai pil ai sră mờ sen đá”.

VOV4.K’Ho- Dơ̆ lơh chờ Sơnđờm ƀăng kị Hìu duh khoai Bơtau Trần nam pa Giáp Thìn nam 2024 geh bơyai lơh tàm mang ngai 14, drim gờñ ngai 15 nhai 01 nam he tàm Tiah tềl lời wơl Hìu duh khoai Bơtau Trần, càr Nam Định.

VOV4.K'Ho - Di bồ nam pa, tàm ală tiah tàm càr Dăk Lăk neh bơyai lơh uă broă lơh niam chài, lơh chờ bơh ală jơi bơtiàn dê, lơh gơlik pang rùp li la niam chài tàm ù tiah tờm Tây Nguyên dê.

VOV4.K’Ho- Ủy ƀan Ñân zân càr Dăk Lăk pa bơyai lơh pơrjum lam lơh ală broă lơh wèt tus tơngkah kir sơnrai 120 nam Ngai crơng gơs càr Dăk Lăk (22/11/1904 - 22/11/2024).

VOV4.K’HO- Bơh gĭt nđờ rài do, dilah cau kòn bơh ù tiah Tây Nguyên dê geh deh mờ dờng tàm kơnhoàl ù tiah ndu tàm do digơlan ndrờm geh lơm nùs nhơm kờñ gơboh uă ngan gơ wèt mờ brê. Tài bè hơ̆, ờ gŏ cau lơi ai lơh krơi, sơrlèt gĭt nđờ nam nhai bal mờ bơta yal tơngkah lài bè jơnau mus kơl brê, khà bă brê gơmù uă ngan, den tàm tiah lơi geh ƀòn làng bol kòn cau Rơđê bơh yau dê ơm tàm tiah hơ̆ gam wơl bè ờs ală bă brê kròng, ală dà mbòr mrềt niam sàng ngan.

VOV4.K’Ho- Drim ngai 20/02, Tỉñ ủy, Hội đồng Ñân zân, Ủy ƀan Mặt trận dà lơgar Việt Nam càr Dăk Lăk bơyai lơh broă lơh tìp măt 250 nă cau ala măt ai ală cau geh bồ tơngoh jak, cau cih sră, cau đơs crih tam ya mờ cau lơh ƀăo tàm sơnam pa Giáp Thìn 2024.

VOV4.K'Ho- Drim òr (19/02), hơ̆ là ngai 10 nhai 01 nam Giáp Thìn, Dơ̆ lơh chờ nam pa Yên Tử ngan ngồn mut lơh tàm ƀòn dờng Uông Bí, càr Quảng Ninh.

VOV4.K'Ho - Deh tàm dùl hìu bơnhă bềng bơhiàn niam chài, bơh tŭ pa tàu, cau chài ồng Alip, kòn cau Bahnar ơm tàm thôn Groi, xã Glar, kơnhoàl Đăk Đoa, càr Gia Lai neh git dròng cing, mòn đờng, trah mòn rùp dơm chi mờ lơh niam wơl cing. Bulah neh dờng sơnam, mơya ồng kung gam ngai pah ngai lơh ngan bơta wơl dròng cing jañ mồng, bơta gùng đơs pơnđik bơh yau kòn cau ai rơnàng kơnòm să in. Bơh hơ̆, pơgồp bơnah sền gàr, prap gàr phan lời wơl cing mồng, bơta niam chài kòn cau Bahnar dê.

VOV4.K’Ho- Mang òr (16/02), Mpồl Cau lơh ƀăo càr Kon Tum sơnđờm mut lơh Ngai chờ lơh ƀăo Nam pa Giáp Thìn 2024. Broă lơh geh bơyai lơh tàm Ƀảo tàng càr Kon Tum tus jơh ngai 19/02.

VOV4.K’Ho- Ală ngai do tàm ală tiah tàm càr Dăk Lăk gam geh bơyai lơh uă broă lơh niam chài, lơh chờ bơh ală jơi bơtiàn, ai geh bơta niam uă bơta niam chài tàm ù tiah tờm Tây Nguyên dê.