VOV4.K'Ho- “Pơn jat tai tam klac bal, lơh broă bal, kuơmàng là tàm tơrbŏ bal ală tiah, lơh gơlik uă phan bơna pa tàm lòt nhơl nàng sơlơ gơ hòi gơ jà nac lòt nhơl, bơtàu tơnguh lòt nhơl”. Do là ală jơnau kờñ mờ Mpồl tam klac lòt nhơl càr Dăk Lăk ai tơlik tàm pơrjum dơ̆ 4, tơngai lơh broă bơh nam 2024 tus nam 2029 geh lơh mho ngai 23/01 tàm Buôn Ma Thuột.

VOV4.K'Ho- Kơnhoàl tiah kơh bơnơm A Lưới, càr Thừa Thiên Huế là ù tiah bềng bơhiàn kac màng. A Lưới sùm gàr uă tiah tềl kah yau niam chài, tiah tềl kah yau tam lơh kac màng geh pơn rơ. Lam lơh Broă lơh Jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn dồ êt nă cau (Broă lơh 1719), kơnhoàl A Lưới neh geh uă broă lơh ngan prap gàr, ngui niam ală bơta kuơ niam chài bơh yau niam bơnĕ.

VOV4.K’Ho- Tàm khà 29 bơta phan geh kwơ bè niam chài rài lài do geh dà lơgar prăp gàr pa geh dờp jăt Kơrnoăt bơh Thủ tướng Cíñ phủ ngai 18 nhai 01 pa do, geh dùl bơta phan geh kwơ bè niam chài rài lài do geh dà lơgar prăp gàr tŭ do gam geh prăp tàm Ƀảo tàng càr Dăk Lăk. Hơ̆ là “Sề khoàng lŭ Thác Hai”, geh pơgăp mờ do bơh 3 rơbô tus 4 rơbô nam.

VOV4.K'Ho - Cau chài Y Niă, kòn cau Sơdàng, 55 sơnam ơm tàm ƀòn Kon Bỉ, xã Đăk Tờ Lùng, kơnhoàl Kon Rẫy, càr Kon Tum ờ mìng là cau geh mpàng tê chài rơgơi ngan mờ broă tàñ ồi kòn cau bơh yau mờ gam geh sap đơs pơnđik niam ngan. Tàm ngai chờ Niam chài, Tàp pràn să jan mờ Lòt nhơl ală jơi bơtiàn tiah Tây Nguyên dơ̆ 1 bơh Ƀộ Văn hóa, Thể thao mờ Zu lịc bơyai lơh tàm càr Kon Tum pa do, cau chài Y Niă geh jà tus bal tàñ ồi kòn cau mờ ràng tơlik ală phan tiơng pơn rơ – phan OCOP.

VOV4.K'Ho- Bơhiàn lơh yàng dà mbòr là bơta niam chài bơh yau jŏ rài bơh cau Jrai tàm càr Gia Lai dê. Gơ wèt mờ cau Jrai, mbòr dà ờ mìng là tiah nàng tơrgùm ai dà drơng jơnau kờñ ngui sa tàm rài kis, tiah mờ làng bol bal mờ gơp tơm boh bơr tơnơ̆ dùl ngai lơh broă bòl glar, mờ do gam là tiah nàng ai tơnggŏ jơnau git wă mpồl bơtiàn dê tàm broă sền gàr tiah ơm kis, sền gàr dà sàng goh, mrềt lơngờm bơh làng bol tàm ƀòn dê.

VOV4.K'Ho - Cau Rơđê jat jơi mè den tàng broă lùp lap, ñô bau sùm bơh cau ùr lơh lài. Cau ùr kong kơnòl bè phan kơt bau, ai hìu klau den geh gơnoar dan sa phan kơt bau. Cau ùr rơp bau bơr tơu rê ơm bal dùl hìu mờ mè bèp tờm, mơya ùr do kung geh tŭ tơngai ơm lơh ƀăn đah hìu klau lài mờ tŭ ñô bau. Do là dùl tàm ală bơta niam krơi is tàm bơhiàn lap klau tam bau ùr bơh cau Rơđê dê.

VOV4.K’Ho- Mho ngai 04/01, tàm Hà Nội, Anih jơnau đơs Việt Nam bơyai lơh Pơrjum tơn jơh broă lơh lơh broă ờs mờng nam 2023, lam lơh 15 kơnòl broă tàm nam 2024.

VOV4.K'Ho - Tàm ƀòn dờng Dà Làc, càr Lâm Đồng pa bơyai lơh tơngkah kir sơnrai 130 nam Dà Làc crơng gơs mờ bơtàu tơnguh, dờp khà jờng mat tiơng pơn rơ ƀòn dờng bơceh bè gùng đơs crih bơh UNESCO dê. Tus bal dơ̆ bơyai lơh tơngkah geh Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ƀan Nội cíñ dà lơgar Phan Đình Trạc, Ƀí thư Đảng dà lơgar, Phó Thủ tướng Lê Minh Khái, kwang ala mat ală mpồl, ƀộ, gah broă lơh dà lơgar, kwang đơng lam bồ, lài do là kwang đơng lam bồ Đảng, Dà lơgar, Mè Việt Nam khin cha jak chài, ală mpồl nac jà bơh dunia, bal mờ gal ngan làng bol mờ nac lòt nhơl.

VOV4.K’Ho- Drim òr (02/01), ơhò dà lềng lòt nhơl 5 sơmañ Westerdam bơh gah ơhò dà lềng Holland America Line pơndiang 2 rơbô nă năc lòt nhơl tus Anih ơhò ơm Tiên Sa lòt sền ƀòn dờng Đà Nẵng.

VOV4.K’Ho- Drim òr (01/01), tàm ƀòn dờng Buôn Ma Thuột, Mpồl tam klăc Ơruh pơnu Việt Nam càr Dăk Lăk. Mpồl Dăk Lăk runners mờ Team Tàp pràn să jan- Pràn kơl dang pơgồp bal bơyai lơh dơ̆ tàm pơrlòng ntăt “Cơnđoà jơng bơh đăng grài dê” gờm chờ nam pa 2024.