VOV4.K'Ho - Prap gàr, ngui niam bơta kuơ niam chài bơh yau ală kòn cau gơ jat bal mờ bơtàu tơnguh lòt nhơl là jơnau kờñ mờ ƀòn dờng Buôn Ma Thuột, càr Dăk Lăk ai tơlik nàng kờñ lam lơh geh cồng nha broă lơh kòn cau mờ broă dong kờl kòn cau tàm 5 nam tus.

VOV4.K'Ho - Mờ bơta jơnhua rlau 1 rbô thơk pơndrờm mờ mat dà lềng, Anih pờ tơlik jơnau bơh Anih pờ tơlik jơnau đơs – Sơñio rùp càr Gia Lai dê gam hòi là Anih pờ tơlik jơnau Hàm Rồng ơm tềng bơnơm Hà Rồng, xã Chư Hdrông, ƀòn dờng Pleiku, càr Gia Lai là anih jơnhua ngan rlau jơh bơh ƀòn dờng Pleiku dê. Tiah do mìng geh 4 nă cau drơng măi pah ngai, sùm lơh broă nàng gàr ai broă pờ tơlik jơnau đơs, sơñrio rùp gơtùi tus mờ cau iat, cau sền.

VOV4.K'Ho - Lơh yàng hòi dan pràn kơldang să jan là dùl bơhiàn lơh yàng bơh yau, lơh tềl cồng nha mờ tềl kuơmàng tàm rài kis bơh tơl nă cau klau Rơđê dê. Bơhiàn lơh yàng do kung ai tơnggŏ nùs nhơm kah ưn ngài, bơta sền gròi bơh kòn cau, cau pròc mhàm tờm tàm hìu bơnhă dê lời ai cau dờng sơnam in.

VOV4.K'Ho - Gơwèt mờ cau ùr Dao Thanh Phán tàm xã Yên Than, kơnhoàl Tiên Yên, càr Quảng Ninh, tŭ broă suơn sre neh ru den jrum mờ dang che brài sềr sùm là bơyô lòt bal mờ khi. Ală rùp sềr cèng bơta niam chài geh bơto wơl bơh ală rài mờ mpàng tê chài rơhời bơh cau ùr Dao Thanh Phán dê.

VOV4.K'Ho- Ngai òr (18/06), Mpồl cau ùr geh bồ tơngoh bơsram sră càr Dăk Lăk bơyai lơh Cribơyai “Gơnoar broă bơh cau ùr geh bồ tơngoh bơsram sră dê tàm broă sền gàr mờ ngui niam bơta kuơ niam chài jơi bơtiàn tàm broă lơh bơt bơtàu càr Dăk Lăk bơtàu tơnguh niam bơnĕ, gơguh jak, niam chài”.

VOV4.K’Ho- Gơwèt mờ kòn cau Bahnar, bơhiàn lơh oh mi bal geh sền là dang che tàm tơrbŏ bal bơta kờñ gơboh, bơh ală cau krơi is gơ gơs cau rềp mềr, sùm kờñ gơboh bal, jơm glòm bal tàm rài kis... Dơ̆ lơh oh mi bal geh lơh jat mờ nùs nhơm lơh is, cèng gơtha niam bơnĕ ngan, kơ̆p kờñ tơl nă cau kis bơnĕ bơnài bal, rềp mềr, tam klăc bal, jơm klòm bal mờ dong kờl bal.

VOV4.K'Ho - Tàm pơgap nhai 3, nhai 4 pah nam, tŭ kàl prang tàm Tây Nguyên neh mut tàm tơngai duh rơ ồl ngan den tàng bol ală kòn cau ơm kis bơh jŏ tàm Tây Nguyên bơyai lơh yàng hòi dan mìu. Do là bơhiàn lơh yàng geh gơtha hòi dan mìu niam càl niam, kàl lơh sa gơs tơlir, ƀòn lơgar hờm ram.

VOV4.K'Ho- Cau tĕ khà kơ̆p kờñ gah lơh broă niam chài rơ̆p lơh geh ală bơta, broă lơh dong kờl nàng ngui niam bơhiàn niam chài jơi bơtiàn dê, bơtàu tơnguh lòt nhơl bơtàu tơnguh rài kis ai làng bol in.

VOV4.K’Ho- Mho òr (03/06), tàm ƀòn dờng Buôn Ma Thuột, càr Dăk Lăk geh bơyai lơh broă tìp măt hòi jà lòt nhơl đah càr Dăk Lăk mờ ƀang Kerala, lơgar Ấn Độ.

VOV4.K'Ho - Bơh rài yau, cau Bahnar ờ geh bơhiàn tờ tơrlung ai dà ngui sa. Làng bol kung ờ khat bè ai dà tàm dà dờng dà croh, dà tơnau nàng drơng broă sàu sa in sơl, mờ khi sùm jòi ală hiòng dà cat bơh tàm bơnơm hòr lik, tờ, bơt lơh gơs dà mbòr bal ai jơh gùt ƀòn in. Pah nam, ală ƀòn cau Bahnar ndrờm bơyai lơh yàng dà mbòr – dùl bơhiàn lơh yàng ờ mìng cèng bơta pin dờn gah huềng mờ gam kờñ pơyua jơnau đơs sền gàr tiah ơm kis, sền gàr dà, hơ̆ là sền gàr pràn kơldang să jan ƀòn lơgar dê.