VOV4.K'Ho - Gơwèt mờ làng bol ală jơi bơtiàn Tây Nguyên, rơ was geh sền bè dùl nă cau tàm hìu bơnhă, là bơyô ƀòn lơgar dê. Cau Tây Nguyên đơs là, rơ was là bơta ai tơnggŏ bơh bơta pràn mờ bơta wil tơl, pas sơm dê. Tềng đap bơta geh ngan là rơ was hìu gơmù pal đơs lài ngan, Ủy ƀan Ñân zân càr Dăk Lăk ring bal rơndap broă lơh dong kờl măi mok, bơta chài lam lơh tam gơl broă lơh lòt nhơl hàu rơ was gơ gơs broă lơh lòt nhơl đềt mềr mờ rơ was.

VOV4.K'Ho - Drim ngai 14/9, Mpồl lơh bơyô bal Việt Nam – Nhờk càr Dăk Lăk bơyai lơh broă lơh tìp mat lơh kwèng niam chài Việt Nam – Nhờk càr Dăk Lăk nam 2023.

VOV4.K’Ho- Dờp jơnau jà bơh Hìu bơsram Đại họk Jeonju Kijeon, lơgar Hàn Quốk, ngai do (13/09), Sở Văn hoá-Thể thao mờ Zu lịc càr Gia Lai bơyai lơh ai mpồl geh 14 nă cau chài bơh ƀòn dờng Pleiku mờ kơnhoàl Ia Grai lòt gùng tus lơgar Hàn Quốk nàng dròng mờ teh tàm dơ̆ Lơh chờ Sori dunia Jeonju nam 2023.

VOV4.K’Ho- Mang òr (10/09), Ƀộ Văn hoá Thể thao mờ Zu lịc pơgồp bal mờ UɃÑZ càr Bình Định bơyai lơh tơn jơh ngai chờ Niam chài ală jơi bơtiàn kòn cau tiah tàm gùl lơgar.

VOV4.K’Ho- Ồng Y Djuan Mjâo (sùm hòi là ồng Lot) 65 sơnam, ơm tàm ƀòn M’Ngoan, xã Ea Hồ, kơnhoàl Krông Năng, càr Dăk Lăk là dùl nă cau chài uă ngan broă. Ờ mìng kah uă jơnau dròng cing, gĭt mòn lơh mờ uh ală đờng gòng bè Tarta, đing năm, đing ƀuốt... ồng gam gĭt đơs kưt, eirai, gĭt ngan adat bơhiàn yau mờ sùm pơnđơl pràn lơh ngan nàng mblàng lời wơl jơnau gơ kờñ ai tơl rơnàng cau tàm ƀòn lơgar in.

VOV4.K’Ho- Đờng goòng (gam hòi là đờng ting ning) là dùl bơta đờng goòng bơh yau bơh bàr pe jơi bơtiàn tàm tiah Tây Nguyên dê. Đờng goòng geh ngui tàm ală dơ̆ pơrjum mpồl bơtiàn, dơ̆ lơh chờ mờ ngan là tàm dơ̆ đơs pơnđick tàm sơrbŏ bal ùr klau. Kờñ ngan mờ jơnau ntas đờng dê, Nghệ ñân ồng Y Djưng Êban, ơm tàm xã Cư Suê, kơnhoàl Cư Mgar, càr Dăk Lăk ờ mìng teh đờng niam mờ gam gĭt mòn lơh đờng goòng tai nàng mblàng mờ bơtê wơl ai oh kòn kòn sau in.

VOV4.K'Ho- Tàm sap mpong ntas gơ tàm bơrlŭ bal bơh cing, kơmbuat mờ sap jañ sơng gơr dê, jơnau tamya Arya ndu gơn rơh, jơnau tamya niam ngan mờ geh gơtha dờng ngan cèng bơta mpồl bơtiàn uă ngan bơh cau Cru dê rài yau, tŭ do geh kis wơl tàm ù tiah kơh bơnơm dờng ơning ơnàng Tây Nguyên dê. Ờ di tus tŭ do mờ bơh neh uă nam, jơnau tamya do neh geh nghệ ñân Touneh Ma Bio ơm tàm thôn Diom A, xã Lạc Xuân, kơnhoàl Đơn Dương, càr Lâm Đồng prap gàr.

VOV4.K’Ho- Càr Kon Tum geh rơlao 609 rơbô 600 lồ brê, tàm hơ̆ rơlao 547 rơbô 700 lồ là brê hòn is mờ bơta gơtìm chi brê rơlao 63% bă ù càr dê. Bal mờ broă bơtàu tơnguh lơh sa mờ brê, ală nam pa do uă mpồl bơtiàn kòn cau kis bơh yau tàm do, mpồl lơh broă, gơnoar atbồ ală tiah tàm càr Kon Tum gam tơrgùm sền gàr, prăp gàr, lơh bơta niam geh is mờ chi che, phan kis geh uă bơta bơh brê bơnơm dê lơh gơs phan lòt nhơl hòi jà geh cau năc tus.

VOV4.K’Ho- Gờm chờ tơngkah kir sơn rai 78 nam Ngai Kăc màng Nhai 8 mờ Sơntờm Dà lơgar ngai 2/09 nam do, gah lơh broă geh gơnoar mờ gơnoar atbồ ală tiah, ală tiah lòt nhơl niam chài phan sa bơh yau tàm ù tiah ală càr tàm tiah Tây Nguyên dê gam jơh nùs rcang ală bơta kờñ pal geh nàng wă rò năc lòt nhơl tus tàm ală tiah. Drơng broă lòt nhơl niam chài bơh yau do ờ mìng prap gàr, ngui niam bơhiàn niam chài niam ngan jơi bơtiàn lơm mờ gam geh tai priă lơh geh pah dơ̆ ală tiah wă năc lòt nhơl tus.

VOV4.K’Ho- Tàm ală ngai do, bal mờ làng bol tơl tiah gùt lơgar wă rò Sa tềp lơngăp lơngai is, làng bol ală jơi bơtiàn tàm gùt ƀòn lơgar Tây Nguyên den gơguh uă tai nùs nhơm kah Wa Hồ. Bulah ờ hềt dùl dơ̆ tìp mat, mơya tàm nùs nhơm tơl nă làng bol Tây nguyên dê sùm gơ lơh bè geh Wa Hồ ơm rềp, sùm jăt sền tơl broă lơh, ƀòn lơgar tàm klăc bal, lơngăp lơngai geh gàr niam, lơh geh bơta pràn tàm pơrlòng kờñ gơboh dà lơgar, làng bol bơtàu tơnguh lơh sa, kơ̆ kơl jăp rài kis.