VOV4.K’Ho- Mờ jơnau kờñ prăp gàr, jờng rơ muh mat, yal tơngĭt ală phan sa ờs mờng bơh yau bơh cau Sơdàng dê mờ gơhòi gơ jà năc lòt nhơl, mho ngai 07/12, Ủy ƀan Ñân zân kơnhoàl Tu Mơ Rông, càr Kon Tum dơ̆ sơnrờp bơyai lơh “Dơ̆ pơrlòng trŭ gơm phan sa sơnơm- Bơta niam bơnĕ brê bơnơm Ngọc Linh dê”.

VOV4.K’Ho- Drim òr (05/12), tàm ƀlàng dờng Đại Đoàn Kết, ƀòn dờng Pleiku, UɃÑZ càr Gia Lai bơyai lơh sơnđờm Broă lơh “Bơta niam Tây Nguyên-Gia Lai”.

VOV4.K’Ho- Tơngleh Niam chài- Lòt nhơl Điện Biên mờ ală càr tiah đah tô mat tơngai mŭt dà lơgar dê tàm ƀòn dờng Hồ Chí Minh neh sơnđờm mŭt lơh tàm mang ngai 04/12 bal mờ dùl ròt ală broă lơh niam chài, kah yau, lòt nhơl duh hồl, gơklŏ gơcrà bềng rùp să.

VOV4.K'Ho - Xã Tú An là dùl tàm ală xã lơh gơs broă lơh bơt bơtàu ƀòn lơgar pa sơn rờp tàm thị xã An Khê, càr Gia Lai. Rài kis pa, mơya bơta niam chài krơi is bơh cau Bahnar tàm do dê kung gam geh prap gàr mờ ngui niam. Ală cau chài bơh Mpồl tàñ ồi kòn cau Tú An neh pơgồp bơnah lơh kis wơl broă tàñ ồi kòn cau bơh cau Bahnar dê. Tàm hơ̆ geh bi Đinh Thị Hà tàm ƀòn Pơnang.

VOV4.K’Ho- Tàm dơ̆ bơyai lơh Ngai chờ Niam chài, Tàp pràn să jan mờ Lòt nhơl ală jơi bơtiàn tiah Tây Nguyên dơ̆ 1 nam 2023, tàm ƀòn dờng Kon Tum, càr Kon Tum neh bơyai lơh broă lơh yal tơnggit niam chài phan sa ală jơi bơtiàn tiah Tây Nguyên.

VOV4.K’Ho- Tơnơ̆ mờ 3 ngai geh bơyai lơh niam mờ uă broă lơh geh uă bơta niam krơi is ală kòn cau kis tàm Tây Nguyên dê, mang òr (01/12), tàm Ƀlàng dờng ngai 16 nhai 3, ƀòn dờng Kon Tum, càr Kon Tum, Ƀộ Văn hoá, Thể thao mờ Zu lịc neh bơyai lơh Dơ̆ tơn jơh Ngai chờ Niam chài, Tàp pràn să jan mờ Lòt nhơl ală jơi bơtiàn kòn cau kis tàm Tây Nguyên dơ̆ sơnrờp nam 2023.

VOV4.K’Ho- Lơh yàng Chờ piang kòi pa kòn cau Bru-Vân Kiều dê tàm xã Ngân Thủy, kơnhoàl Lệ Thủy, càr Quảng Bình pa geh Ƀộ Văn hoá, Thể thao mờ Zu lịc dờp là Phan lời wơl Niam chài ờ di phan bơna Dà lơgar dê. Tơnơ̆ mờ hơ̆, càr Quảng Bình neh lơh uă broă lơh nàng prăp gàr, ngui ală bơta kwơ phan lời wơl niam chài ờ di phan bơna tàm càr do. Prăp gàr mờ bơtàu tơnguh Lơh yàng Chờ piang kòi pa bơh làng bol kòn cau Bru-Vân Kiều dê pơgồp bal mờ broă bơtàu tơnguh lòt nhơl geh pơgồp bal tàm broă tơnguh uă rài kis lơh sa, bơta niam chài bơh làng bol kòn cau kis tàm dòr bơnơm Trường Sơn dê.

VOV4.K'Ho - Lài hơ̆, mho ngai 29/11, lòt sền broă lơh rơcang lài ai dơ̆ Mut lơh Ngai chờ niam chài, Tàp pràn să jan mờ lòt nhơl ală jơi bơtiàn tàm tiah Tây Nguyên dơ̆ 1 nam 2023 tàm Ƀlàng dờng ngai 16 nhai 3, ƀòn dờng Kon Tum, càr Kon Tum, Đại tướng Tô Lâm, Kwang geh jơng tàm Ƀộ Cíñ trị, Ƀộ trưởng Ƀộ Kwang àng neh sền git niam chài cing mồng Tây Nguyên mờ pà rơdio ai 100 nă cau chài càr Kon Tum in.

VOV4.K’Ho- Drim ngai 29/11, tàm Ƀlàng dờng 16/ 3, ƀòn dờng Kon Tum, Ƀộ Văn hóa, Thể thao mờ Du lịc bơyai lơh sơnđờm mut lơh ală broă lơh niam chài, tàp pràn să jan mờ lòt nhơl ală jơi bơtiàn tiah Tây Nguyên.

VOV4.K'Ho - Nam do neh mờr 70 sơnam, mơya cau chài ồng Kpă Huăt, mat mờng hòi là ồng Sêna dê ơm tàm ƀòn Ama Djơng, mpồl 9, sơnah ƀòn Đoàn Kết, thị xã Ayun Pa, càr Gia Lai kung gam jơh nùs tơmut huềng tàm ală rùp trah mòn bơh dơm chi. Mờ mpàng tê chài rơgơi he dê, ồng neh trah mòn gơs ală rùp mờ dơm chi cèng bơta niam chài krơi is bơh cau Jrai dê.