VOV4.K'Ho - Tàm ƀòn dờng Dà Làc, càr Lâm Đồng pa bơyai lơh tơngkah kir sơnrai 130 nam Dà Làc crơng gơs mờ bơtàu tơnguh, dờp khà jờng mat tiơng pơn rơ ƀòn dờng bơceh bè gùng đơs crih bơh UNESCO dê. Tus bal dơ̆ bơyai lơh tơngkah geh Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ƀan Nội cíñ dà lơgar Phan Đình Trạc, Ƀí thư Đảng dà lơgar, Phó Thủ tướng Lê Minh Khái, kwang ala mat ală mpồl, ƀộ, gah broă lơh dà lơgar, kwang đơng lam bồ, lài do là kwang đơng lam bồ Đảng, Dà lơgar, Mè Việt Nam khin cha jak chài, ală mpồl nac jà bơh dunia, bal mờ gal ngan làng bol mờ nac lòt nhơl.

VOV4.K’Ho- Drim òr (02/01), ơhò dà lềng lòt nhơl 5 sơmañ Westerdam bơh gah ơhò dà lềng Holland America Line pơndiang 2 rơbô nă năc lòt nhơl tus Anih ơhò ơm Tiên Sa lòt sền ƀòn dờng Đà Nẵng.

VOV4.K’Ho- Drim òr (01/01), tàm ƀòn dờng Buôn Ma Thuột, Mpồl tam klăc Ơruh pơnu Việt Nam càr Dăk Lăk. Mpồl Dăk Lăk runners mờ Team Tàp pràn să jan- Pràn kơl dang pơgồp bal bơyai lơh dơ̆ tàm pơrlòng ntăt “Cơnđoà jơng bơh đăng grài dê” gờm chờ nam pa 2024.

VOV4.K’Ho- Gơwèt mờ ală jơi bơtiàn dùl êt nă cau tàm tiah Tây Nguyên, Yal yau ơn prăp uă ngan bơhiàn niam chài, dùl tŭ tơngai jŏ jòng jơnau kah yau, kung bè ală mờng chài kis geh ơn prăp bơh jŏ rài. Tơl jơnau yal yau ndrờm ceng hwềng nùs niam chài, bè săp ntas dờng ơning ơnàng ngan bơh rài kis ƀòn lơgar jơi bơtiàn tiah brê bơnơm dờng dê, gơhòi bơh gĭt nđờ rbô nam kah yau. Jơnau hòi hơ̆, tơnơ̆ bàr pe dơ̆ ngềt ngơ̆t, tŭ do gơlơh sền gŏ wơl tàm uă ƀòn lơgar tŭ ală broă lơh yal yau geh lơh wơl.

VOV4.K'Ho - Nam 2023, lòt nhơl tàm ală càr Tây Nguyên geh uă bơta tam gơl mờ bơtàu tơnguh. Mờ uă ngan broă lơh niam chài, tàp pràn să jan mờ lòt nhơl geh bơyai lơh bơh kâp ù tiah tus kâp càr, ƀòn dờng tàm tiah do, lòt nhơl ờ mìng pơgồp bơnah sơlơ tơnguht ai bè lơh sa mờ gam lơh gơlik bơnàng jă nàng lơh pơrlai bơta niam chài bơh mpồl bơtiàn ală jơi bơtiàn ơm kis bơh jŏ tàm tiah do dê.

VOV4.K’Ho- Mho ngai 28/12, tàm xã Hoà Phú, ƀòn dờng Buôn Ma Thuột, Sở Văn hoá, Thể thao mờ Zu lịc càr Dăk Lăk bơyai lơh dơ̆ tơlik măt mpồl mờ tơn jơh ơdŭ bơto pơlam bơto yal wơl niam chài bơh yau kòn cau Thái dê.

VOV4.K'Ho- 204 hìu bơnhă làng bol kòn cau Sơdàng sơnĕ Hà Lăng tàm ƀòn Đăk Đe, xã tiah nhàr dà lơgar Rờ Kơi, kơnhoàl Sa Thầy, càr Kon Tum chờ hờp bơyai lơh Dơ̆ lơh yàng gờm chờ Hìu rông pa.

VOV4.K'Ho - Pah tŭ tus nhai 11, nhai 12 tây pah nam, làng bol ală jơi bơtiàn dồ êt nă cau tiah Tây Nguyên, tàm hơ̆ geh cau Sơdàng tàm càr Kon Tum rơp lơh ală bơhiàn lơh yàng nàng ưn ngài ală yàng, hòi dan bơta bơtuah bơtuài, ring lơngai ai làng bol tàm ƀòn, ai ală hìu bơnhă in. Dơ̆ lơh yàng ƀă bòng dà halà lơh yàng dà mbòr pa là dùl tàm ală dơ̆ lơh yàng sa chờ nàng kờñ bè do.

VOV4.K’Ho- Di tơnkah 79 nam Ngai crơng gơs Mpồl Ling klàng làng bol Việt Nam (22/12) mờ 72 nam Ngai bơhiàn mpồl wăc rùp niam Việt Nam (10/12), tàm Hà Nội geh bơyai lơh ràng tơlik rùp mờ tơngu me “Cơn đoà jơng lòt bal”. Mờ 66 pang rùp niam, cèng tus ală cau sền in git geh uă jơnau ngoh rơngăc mờ geh kwơ ngan bè kwang bàng cau ling tàm mpồl ling klàng làng bol, kwang àng làng bol tàm rài tam lơh mờ rài pa tŭ do.

VOV4.K'Ho - Cau M’nông Rlơm tàm xã Yang Tao, kơnhoàl Lăk, càr Dăk Lăk tŭ do kung gam prap gàr broă mòn phan bơh ù buh bơh yau krơi is ngan. Bơta krơi is tàm do là cau chài ờ ngui kơƀàng pơrlăc nàng mòn, mờ mìng mòn mờ tê, mòn gơs rùp să phan bơna mờ buh hờ bơdìh. Mờ bơta chài mòn krơi is do neh prap gàr git nđờ rhiang nam, mòn gơs phan bơh ù buh niam ngan, krơi is ngan, gơ hòi gơ jà bơta sền gròi bơh nac lòt nhơl dê mờ gơ gơs là phan lòt nhơl ai ƀòn lơgar in.