VOV4.K’Ho- Drim òr (04/02), tàm Ƀlàng dờng 10/3, Mpồl cih jơnau đơs crih tam ya càr Dăk Lăk mờ Ủy ƀan Ñân zân ƀòn dờng Buôn Ma Thuột pơgồp bal lơh Sơnđờm mut lơh broă lơh tìp mat lơh kwèng niam chài cing mồng ƀòn dờng Buôn Ma Thuột mờ dơ̆ ràng tơlik rùp niam, sră cih mờ tê gờm chờ nam pa Giáp Thìn 2024.

VOV4.K'Ho - Nam pa 2024 do, tàm xã Hoà Xuân, ƀòn dờng Buôn Ma Thuột, càr Dăk Lăk chờ hờp rlau mờ rùp hìn ồi kòn cau Rơđê. Mờ broă crơng gơs mpồl tàñ ồi kòn cau, uă oh mi cau ùr kòn cau Rơđê geh tơnguh tai bơta pràn, bơta gơn kơnờm nàng bơsram mờ prap gàr, ngui niam broă tàñ phan.

VOV4.K’Ho- Mho ngai 25/01, tàm xã Ea Kao, ƀòn dờng Buôn Ma Thuột, Sở Văn hóa, Thể thao mờ Zu lịc càr Dăk Lăk bơyai lơh tơn jơh ơdŭ bơto pơlam mờ tơlik mat broă lơh mpồl niam chài bơh yau jơi bơtiàn kòn cau Tày, Nùng, Mường xã Ea Kao dê.

VOV4.K'Ho- “Pơn jat tai tam klac bal, lơh broă bal, kuơmàng là tàm tơrbŏ bal ală tiah, lơh gơlik uă phan bơna pa tàm lòt nhơl nàng sơlơ gơ hòi gơ jà nac lòt nhơl, bơtàu tơnguh lòt nhơl”. Do là ală jơnau kờñ mờ Mpồl tam klac lòt nhơl càr Dăk Lăk ai tơlik tàm pơrjum dơ̆ 4, tơngai lơh broă bơh nam 2024 tus nam 2029 geh lơh mho ngai 23/01 tàm Buôn Ma Thuột.

VOV4.K'Ho- Kơnhoàl tiah kơh bơnơm A Lưới, càr Thừa Thiên Huế là ù tiah bềng bơhiàn kac màng. A Lưới sùm gàr uă tiah tềl kah yau niam chài, tiah tềl kah yau tam lơh kac màng geh pơn rơ. Lam lơh Broă lơh Jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn dồ êt nă cau (Broă lơh 1719), kơnhoàl A Lưới neh geh uă broă lơh ngan prap gàr, ngui niam ală bơta kuơ niam chài bơh yau niam bơnĕ.

VOV4.K’Ho- Tàm khà 29 bơta phan geh kwơ bè niam chài rài lài do geh dà lơgar prăp gàr pa geh dờp jăt Kơrnoăt bơh Thủ tướng Cíñ phủ ngai 18 nhai 01 pa do, geh dùl bơta phan geh kwơ bè niam chài rài lài do geh dà lơgar prăp gàr tŭ do gam geh prăp tàm Ƀảo tàng càr Dăk Lăk. Hơ̆ là “Sề khoàng lŭ Thác Hai”, geh pơgăp mờ do bơh 3 rơbô tus 4 rơbô nam.

VOV4.K'Ho - Cau chài Y Niă, kòn cau Sơdàng, 55 sơnam ơm tàm ƀòn Kon Bỉ, xã Đăk Tờ Lùng, kơnhoàl Kon Rẫy, càr Kon Tum ờ mìng là cau geh mpàng tê chài rơgơi ngan mờ broă tàñ ồi kòn cau bơh yau mờ gam geh sap đơs pơnđik niam ngan. Tàm ngai chờ Niam chài, Tàp pràn să jan mờ Lòt nhơl ală jơi bơtiàn tiah Tây Nguyên dơ̆ 1 bơh Ƀộ Văn hóa, Thể thao mờ Zu lịc bơyai lơh tàm càr Kon Tum pa do, cau chài Y Niă geh jà tus bal tàñ ồi kòn cau mờ ràng tơlik ală phan tiơng pơn rơ – phan OCOP.

VOV4.K'Ho- Bơhiàn lơh yàng dà mbòr là bơta niam chài bơh yau jŏ rài bơh cau Jrai tàm càr Gia Lai dê. Gơ wèt mờ cau Jrai, mbòr dà ờ mìng là tiah nàng tơrgùm ai dà drơng jơnau kờñ ngui sa tàm rài kis, tiah mờ làng bol bal mờ gơp tơm boh bơr tơnơ̆ dùl ngai lơh broă bòl glar, mờ do gam là tiah nàng ai tơnggŏ jơnau git wă mpồl bơtiàn dê tàm broă sền gàr tiah ơm kis, sền gàr dà sàng goh, mrềt lơngờm bơh làng bol tàm ƀòn dê.

VOV4.K'Ho - Cau Rơđê jat jơi mè den tàng broă lùp lap, ñô bau sùm bơh cau ùr lơh lài. Cau ùr kong kơnòl bè phan kơt bau, ai hìu klau den geh gơnoar dan sa phan kơt bau. Cau ùr rơp bau bơr tơu rê ơm bal dùl hìu mờ mè bèp tờm, mơya ùr do kung geh tŭ tơngai ơm lơh ƀăn đah hìu klau lài mờ tŭ ñô bau. Do là dùl tàm ală bơta niam krơi is tàm bơhiàn lap klau tam bau ùr bơh cau Rơđê dê.

VOV4.K’Ho- Mho ngai 04/01, tàm Hà Nội, Anih jơnau đơs Việt Nam bơyai lơh Pơrjum tơn jơh broă lơh lơh broă ờs mờng nam 2023, lam lơh 15 kơnòl broă tàm nam 2024.