VOV4.K’Ho- Drim ngai 20/02, Tỉñ ủy, Hội đồng Ñân zân, Ủy ƀan Mặt trận dà lơgar Việt Nam càr Dăk Lăk bơyai lơh broă lơh tìp măt 250 nă cau ala măt ai ală cau geh bồ tơngoh jak, cau cih sră, cau đơs crih tam ya mờ cau lơh ƀăo tàm sơnam pa Giáp Thìn 2024.

VOV4.K'Ho- Drim òr (19/02), hơ̆ là ngai 10 nhai 01 nam Giáp Thìn, Dơ̆ lơh chờ nam pa Yên Tử ngan ngồn mut lơh tàm ƀòn dờng Uông Bí, càr Quảng Ninh.

VOV4.K'Ho - Deh tàm dùl hìu bơnhă bềng bơhiàn niam chài, bơh tŭ pa tàu, cau chài ồng Alip, kòn cau Bahnar ơm tàm thôn Groi, xã Glar, kơnhoàl Đăk Đoa, càr Gia Lai neh git dròng cing, mòn đờng, trah mòn rùp dơm chi mờ lơh niam wơl cing. Bulah neh dờng sơnam, mơya ồng kung gam ngai pah ngai lơh ngan bơta wơl dròng cing jañ mồng, bơta gùng đơs pơnđik bơh yau kòn cau ai rơnàng kơnòm să in. Bơh hơ̆, pơgồp bơnah sền gàr, prap gàr phan lời wơl cing mồng, bơta niam chài kòn cau Bahnar dê.

VOV4.K’Ho- Mang òr (16/02), Mpồl Cau lơh ƀăo càr Kon Tum sơnđờm mut lơh Ngai chờ lơh ƀăo Nam pa Giáp Thìn 2024. Broă lơh geh bơyai lơh tàm Ƀảo tàng càr Kon Tum tus jơh ngai 19/02.

VOV4.K’Ho- Ală ngai do tàm ală tiah tàm càr Dăk Lăk gam geh bơyai lơh uă broă lơh niam chài, lơh chờ bơh ală jơi bơtiàn, ai geh bơta niam uă bơta niam chài tàm ù tiah tờm Tây Nguyên dê.

VOV4.K’Ho- Ƀòn Ako Dhong là ƀòn kòn cau Rơđê dê niam bơnĕ ngan bơh ƀòn dờng Buôn Ma Thuột, càr Dăk Lăk dê, ai Arul House dùl ròt hìu ơm- kă bro phan mờ anih prăp gàr phan kwơ yau niam chài kòn cau Rơđê dê niam bơnĕ ngan tàm ƀòn Ako Dhong. Tàm do, geh bơta gam wơl bơh ală tềl lời wơl bơh nam nhai dê, brê bơnơm mờ rài kis kòn cau Rơđê dê. Tus mờ Ako Dhong là bơta tàm tìp mờ gơhờp bal bơh ală cau kờñ gơboh niam chài ờs mờng bơh yau Tây Nguyên dê.

VOV4.K’Ho- Ngai 15/02, tàm xã Cư Prông, Ủy ƀan Ñân zân kơnhoàl Ea Kar, càr Dăk Lăk sơnđờm mut lơh Ngai chờ Niam chài ală jơi bơtiàn kơnhoàl Ea Kar dơ̆ III.

VOV4.K’Ho- Mho òr (14/02), hơ̆ là ngai 5 satềp, ƀòn dờng Dà Làc, càr Lâm Đồng pơn jăt tai hòi jà uă cau năc lòt nhơl tus nhơl sền, ơm rơlô să. Tơnguh khà cau năc tus tàm nam pa Giáp Thìn 2024 do gơguh mờr 62% pơn drờm mờ tŭ do nam lài.

VOV4.K’Ho- Đắk Nông là ù tiah geh uă bơhiàn yau niam chài mờ geh tai trồ tiah ai pà gời uă ù tiah niam dờng ơning ơnàng, uă tiah hàng niam, ù tiah niam bơnĕ neh geh mpồl UNESCO dờp là Kông viên địa cất gùt plai ù. Ală bơta ƀuơn bơta pràn hơ̆ gam geh càr Dăk Nông ngui niam, lơh jat niam ai bơtàu tơnguh lơh sa, mpồl bơtiàn dùl bă kơl kơl jăp.

VOV4.K’Ho- Dơ̆ lơh chờ nam pa bơh kòn cau Tây Nguyên halà “Dơ̆ lơh chờ ñô lir bông” là dơ̆ lơh chờ mờ kòn cau Tây Nguyên bơyai lơh tơnơ̆ tơngai tơnhào jơh phan tam, wă rò nam pa. Tàm tơngai do, tơl hìu bơnhă ndrờm mhar ngan cèng kòi rê tàm rơnŭ mờ rò hwềng kòi rê tàm hìu, mơkung bơyai lơh dơ̆ sa piang pa nàng ưn ngài trồ tiah, Yàng kòi, ồng pàng bơh yau neh ai dùl kàl lơh kòi geh tơnhào uă mờ kơ̆p kờñ dùl nam pa kòi phe bềng hìu. Do là kàl “sa nam ơm nhai”, tơngai pơrjum niam chài mpồl bơtiàn, kàl tìp mat lơh kwèng niam chài, kàl jòi cau gơ̆p bơyô bơh ală klau pơnu ùr ơruh dê. Kàl mờ jơh gùt mpồl bơtiàn ơm rlô, nhơl chờ hờp ngan mờ là tơngai “sa tềp bơh kòn cau Tây Nguyên dê.