VOV4.K'Ho- “Ơruh pơnu tus bal prăp gàr, ngui bơta niam chài krơi is jơi bơtiàn Việt Nam dê tơngai bơh nam 2024 tus 2029” là dùl tàm bàr rơndăp broă lơh bơh Mpồl tam klăc ơruh pơnu Việt Nam dê geh ai tàm tơngai lơh broă dơ̆ IX.

VOV4.K’Ho- Ơ làng bol mờ gơ̆p bơyô! Tàm rài kis pa tŭ do, ală rơnàng krơi is geh ală jơnau gŏ jơnau kơlôi uă gah bè ồi tàm rài kis cau K’Ho dê. Hơ̆ là ală jơnau yal gơlơh kờñ ngan bè jơnau gŏ jơnau kơlôi bơh rơnàng kơnòm să dê gơ wèt mờ phan soh pa geh lơh bơh pang ồi; bơta kwơ bơh niam chài ồi dê tàm rài kis cau K’Ho dê.

VOV4.K’Ho- Ka Thuân- Ƀí thư Ci Đoàn thôn 5B, sàh Đinh Trang Hoà, kơnhoàl Di Linh, càr Lâm Đồng là dồ nă cau pơnrơ tàm srơh sơnđờm mŭt lơh broă bơceh lơh. Bơh bơta kờñ ngan mờ ồi kòn cau he dê, bi neh lơh hìu mai mờ lơh geh broă lơh broă sa ai uă oh mi cau ùr tàm ƀòn lơgar in. Broă lơh do do lơh gơguh priă lơh geh mơkung pơgồp bơnah prăp gàr mờ ngui niam bơta kwơ niam chài bơh cau K’Ho dê.

VOV4.K’Ho - Lồi nam 2024, Kông viên địa cất gùt plai ù geh UNESCO dờp tai Kông viên địa cất gùt plai ù dơ̆ 2. Broă dờp tai khà măt kwơ màng do là bơta tờm kwơ màng ngan, ờ mìng dong kờl càr Dăk Nông tơnguh broă bơtàu tơnguh jŏ jòng jăt broă tơrlòng lơh kơ̆ kơl jăp mờ gam pơgồp bal niam tàm broă lơh jăt ală jơnau kờñ bơtàu tơnguh kơ̆ kơl jăp bơh Broă rơndăp lơh tus nam 2030 bơh Liên hợp quốk dê sồr.

VOV4.K'Ho- Kơnhoàl Di Linh, càr Lâm Đồng geh uă ngan khà kờp làng bol là jơi bơtiàn ờ gal cau, mìng là kòn cau K’ Ho. Bal mờ bơhiàn bơtàu tơnguh lơh sa mờ rài kis, ală nam do, broă prăp gàr mờ ngui bơta niam chài cing mồng bơh mpồl bơtiàn kis tàm do ngai sơlơ geh sền gròi.

VOV4.K’Ho- Tŭ drà tăc blơi phan sa tềp duh hồl, kung là tŭ tiah tờm “puăc kơnrồ ìs dùl ngai” Krông Pa, càr Gia Lai ƀô bơkah ngan phan sa tềp. Bơh phan sa mùl gŏ bơh làng bol kòn cau Jrai dê, phan pơnrơ do neh lòt ngài bơh tiah “duh tơr ồ ngan” Krông Pa dê mờ gơgơs là phan sa tàm ngai sa tềp mờ phan pà sa tềp, geh uă ngan cau kờñ.

VOV4.K’Ho- Tàm dơ̆ Sa tềp bơhiàn Dà lơgar Nam Ất Tỵ, bal mờ uă broă lơh niam chài, đơs crih tam ya duh hồl, càr Dăk Lăk rơ̆p bơyai lơh cuh phăo bơkào tàm 5 tiah là ƀòn dờng Buôn Ma Thuột mờ ală kơnhoàl Ea H’leo, Krông Buk, Krông Ana, Ea Kar.

VOV4.K’Ho- Gĭt nđờ rơhiang pang ƀăo mờ pang sră ràng tơlik tàm dơ̆ lơh chờ sră ƀăo Nam pa càr Dăk Lăk sơnđờm mut lơh tàm drim ngai 21 nhai 01, neh tơngŏ di nùs nhơm Rài brồ să bơh jơi bơtiàn dê.

VOV4.K’Ho- Phan sa ka sràt là dùl phan sa ờs mờng jŏ rài bơh làng bol kòn cau Jeh- Triêng tàm ù tiah Tây Nguyên đơs bal. Gơ wèt mờ kòn cau Jeh- Triêng tàm jơi càr Quảng Nam, phan sa ka sràt là dùl phan sa tờm, is ồn ờ gơtùi ờ geh tàm dơ̆ lơh chờ. Phan sa ka sràt bơh kòn cau Jeh- Triêng dê neh gơ gơs bơta phan sa bơkah geh is, cèng bềng tềl lời wơl niam chài jơi bơtiàn tàm tiah do dê.

VOV4.K'Ho- Tàm rài kis pah ngai, kòn cau Bơnhàr sùm kah jơnau đơs: “Pal git jơnau mờ mè bèp bè măt kơnhai, git jơnau mò ồng bè măt tơngai”, bơta do pà gŏ làng bol sền kwơ ngan broă git jơnau. Tơl nă cau kòn cau Bơnhàr tŭ neh dờng, geh bao ndrờm wèt tus broă bơyai lơh kah ưn ngài mờ mè bèp. Do là dơ̆ nàng ală cau kòn tơlik nùs nhơm kah ưn ngài, git jơnau mờ mè bèp, kơ̆p kờñ geh tơm wơl dà kơlhề deh duh, ròng siam bơh mè bèp dê mờ kơ̆p kờñ yàng pà mè bèp in sùm pràn kơl dang.