VOV4.M'nông: Tĭng Cục Cảnh sát giao thông (Bộ Công an), 3 nar rlu Tết Dương lịch (ntơm bah nar 1/1 tât nar 3/1), lam dak geh 64 tơ̆ tâm tom ndeh, ƀư 38 nuĭh khĭt, 35 nuĭh rmanh. Tâm rnoh dja, trong ndeh 63 tơ̆, lơh khĭt 37 nuĭh, rmanh 35 nuĭh. Tĭng ƀư khay đăp mpăn hăn ntung trong, đăp mpăn lam rêh jêng kon nuĭh nkhêp kêng dŭt năm, Tết Dương lịch, Tết Nguyên đán Nhâm Dần n'hanh ăp lễ hội bôk năm 2022, tâm 3 nar rlău aơ, Cảnh sát giao thông Công an ăp n'gor hŏ ôp uănh, ban saơ, rmal rlău 19.200 nuĭh tih đăp mpăn hăn ntung trong; rmal prăk 22,65 rmen prăk; sŏk mplơ̆ 1.200 si ƀŭt ƀĭt ndeh ăp ntil, tâm nê geh tih ngêt ndrănh rmal 812 nuĭh n'hanh 4 nuĭh ƀĭt ndeh ntưp đah ma túy./.

Nuĭh rblang: Điểu Thân