Ta Jay Văn hóa Lao động n’gor Quảng Ngãi, Liên đoàn Lao động n’gor ƀư Bôk nău “Tết sum vầy-Xuân ơn Đảng” năm 2026 n’hanh Rơh tăch ndơ Tết Công đoàn, mât uănh an đoàn viên, nuĭh pah kan di rơh Tết Bính Ngọ. Ntoh ngơi ta bôk nău kan, Groi Kruanh Quốc hội Vũ Hồng Thanh rnê rhơn Ủy ban Mặt trận Tổ quốc Việt Nam ăp gưl, Tổng liên đoàn lam động Việt Nam, Liên đoàn Lao động n’gor Quảng Ngãi n’hanh ăp rmôt kan nuĭh kan lĕ nchrăp rgŏ jă prăk kon nuĭh, ƀư âk nău kan ngăn ngên mât uănh Tết an phung pah kan, nuĭh kan, rnăk ach o, rnăk dơi kơl n’hanh ăp nuĭh mô lap.

Lah rjăp nău kan năm tât, Groi Kruanh Quốc hội Vũ Hồng Thanh đă Mặt trận Tổ quốc n’hanh ăp gưl Công đoàn tĭng rjăp bah dâng, ngăch gĭt nu nău ŭch rŏng bah nuĭh ƀon lan n’hanh nuĭh pah kan; nchrăp tâm ôp tâm nchră, dăn đă trong mkra ngăn ngên, săk rnglăy gay mât uănh uĕh lơn nău rêh drăp ndơ, nuih n’hâm an đoàn viên, phung pah kan, nuĭh kan.