Tâm nchră kơi năp nti an nuĭh lor bôk năp dâk tâm rlong đại biểu Quốc hội ƀư ôi 12/2 ta jay Quốc hội, đah bơi 170 nuĭh dâk tâm rlong, mpeh 19 n’gor, nkual ƀon têh nkual miền Bắc n’hanh Trung Bộ râng. Lah ta rnôk ntơm pơk, Groi kruanh Quốc hội Nguyễn Thị Thanh lah rjăp, dơn hôm 1 khay đŏng, cử tri lam dak lăp tâm nar rgum têh bah lam ƀon lan: Nar bầu cử Đại biểu Quốc hội khóa XVI, Đại biểu Hội đồng nhân dân ăp gưl năm kan 2026 - 2031.

Aơ lah nar kan chính trị têh khlay bah neh dak, ntŭk ƀon lan tĭng ƀư nău dơi n’hanh nău dơn kan huêng khlay, sơch ăp nuĭh ntơh măt tâm di ntơh măt an he gay n’glêh an ăp nkô̆ nău khlay bah neh dak n’hanh n’gor. Ta tâm nchră, ăp nuĭh dâk tâm rlong hŏ djăt nuĭh mbơh nău lư mpeh Quốc hội, rêng bầu cử ĐBQH; Nău blău rdâk njêng, nău tă ơm gĭt sơch nkô̆ dâk kan bah nuĭh tâm rlong ĐBQH; nău tât râng bah bu ur n’hanh nuĭh rnoi mpôl đê̆ ta Quốc hội; tĭng ƀư tâm dâl nău đah nhih pah ka báo chí n’hanh nkoch trêng nău lư rgŏ jă bầu cử.