Ntŭk rgum ntop kơl lam rêh jêng kon nuĭh n’gor Dak Lak, Sở Y tế Dak Lak kan nsum đah ăp nuĭh tơm kơl ƀư bôk nău kan Gala “Năm mhe dêh rŏng – Tết njôm wăr”, kơl an n’hanh ndơ̆ lì xì Tết ta Ntŭk rgum kơl lam rêh jêng kon nuĭh n’gor n’hanh kon se geh nău rêh jêr jŏt tâm nsum mpôl. 

Ntŭk rgum ntop kơl lam rêh jêng kon n’hanh kon se n’gor Dak Lak aƀaơ mât chăm 351 nuĭh, lĕ ma kon se kon đơi, nuĭh âk năm deh, nuĭh quet nte jru n’hanh nuĭh bôk rngok mô kah rngăl mô geh ntŭk nde. Nkhêp geh Tết Bính Ngọ năm aơ, bah meng nău nchrăp ăp tŏng ndơ sa an ăp nuĭh sa Tết ta ntŭk rgum pêt mât, lĕ ma 351 nuĭh dơi dơn geh lì xì 500 rbăn prăk/nuĭh; 27 kon se jêr jŏt bah dih mpôl dơi kơl an ndeh wah jêng đŏng 1 rkeh prăk/bôk n’hanh nklâm ndơ Tết.