Kêng măng 10/2, ta Hà Nội, nkhêp di nchrăp wơt Năm Bính Ngọ 2026, Tổng Bí thư Tô Lâm, Bí thư Quân ủy Trung ương, lĕ râng n’hanh ƀư tơm nar mâp măt ăp kruanh, sĩ quan gưl prêh tahen rlu ranh, rlu pah kan.

Ta nar mâp măt, Tổng Bí thư njuăl nău mbah rhơn năm mhe, mbah rhơn săk soan tât ăp đại biểu; nkre mbơh lĕ rngôch mpeh nu nău lam ntŭr neh, nkual, ăp nău ntoh lư tâm năm kan Đại hội 13, Jêh Đại hội 14 n’hanh ăp ntŭk mhe tâm nău mĭn, trong nchrŏng hun hao neh dak năm tât. Tổng Bí thư Tô Lâm lah rjăp đă ndâk njêng tay Tahen ƀon lan cách mạng, chính quy, tinh nhuệ, mhe tâm rach năm hao êng nơm bah rnoi nuĭh, tâm di nău đă nău kan mât njrăng Neh dak tâm nu nău mhe

Tổng Bí thư nkoch nău nsing nơm đah nău janh chính trị nâp nâl, nău blău ơm ngăn ngên, ăp kruanh, sĩ quan gưl prêh rlu ranh mbra rgop tay âk nuih n’hâm, sŏng dăng an trong kan ndâk njêng, uănh nkra uĕh Đảng, ndâk njêng rmôt vũ trang nhân dân ngăn ngên kloh uĕh, nâp ndăng, dŭt n’hâm tĭng đah Đảng, Ngih dak n’hanh Nuĭh ƀon lan.