VOV4.M’nông – Ta Hà Nội, Ủy ban Dân tộc n’hanh Đại sứ Ai Len ta Việt Nam lĕ ƀư ký sam ƀŭt nkra rgâl ntop tay tâm ton ntop kơl đah Chính phủ Việt Nam n’hanh Chính phủ Ai Lai ntop ăp xă dŭt jêr jŏt tâm bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030. Ntoh ngơi ta nar ƀư tâm ton, Kruanh n’gâng kan nchră nău, Chủ nhiệm Hầu A Lềnh mĭn lah: Tâm lôch 15 năm bah năp, Chính phủ Ai Len uănh mĭn ntop kơl an nkual ƀon lan rnoi đêt bah Việt Nam. Ăp prăk ntop kơl lah tơm prăk dŭt khlay. Aơ mô knŭng lah drăp ndơ ma hôm geh âk nkô̆ nău tâm nĕ nău rŏng jru hvi bah Chính phủ n’hanh nuĭh ƀon lan Ai Len an Việt Nam n’hanh an nsum mpôl rnoi mpôl đêt gŭ ntŭk jêr jŏt ngăn tâm năm bah năp. Ndơ ntop kơl bah Chính phủ Ai Len lĕ rgop jŭt n’hŭch ach o ta Việt Nam.

Nŭih rblang: Y Sưng Phê Ja