VOV4.M’nông: Ji kăt hô ndrel ma dak ngom chiăt boh tâm ăp nar bôk khay 2 ho\ lơh khuch ma rhiăng ha neh tuch tăm bah [on lan tâm nkuăl Lạc Dương, n’gor Lâm Đồng, geh kro n’ha, kro n’ging. Rhiăng rnăk vâl ta aơ rvê ngăn rnôk mir cà phê, ndơ geh bah rnăk vâl gay rong rêh roh dơm.

Wa K Hương, ta Thôn Đa Ra Hoa, Xã Đa Nhim, nkuăl Lạc Dương du\t n’hâm rngot rnôk ma rlau 3 ha cà phê-ndơ geh tơm bah rnăk vâl ho\ geh kro n’ha, kro n’ging yor lah dak ngom chiăt boh. Wa K Hương ân gi\t, mir cà phê mhe ndâk jêng rnôk bu tuh jôp, a[aơ lo\ geh dak ngom chiăt boh kơt nê lah roh dơm dam dơm:

‘Mir cà phê a[aơ mô dơi hun hao, păng geh dak ngom chiăt boh ri mô hôm dơi ndâk tay ôh, ân geh lơi dơm dơm. A[aơ cà phê [ư ko\ kơt lah mô [ư, lơn ma âk ri lơn ma lu\p. Lah geh play ri gâp tăch ân ma bu ko\ mô geh âk đo\ng”.

Tâm ban ma nê đo\ng, rlau du ha bah rnăk yuh Cil Plem ta xã Đạ Sar ko\ dôl ma ru\ng n’ha, kro n’krur. Yuh Cil Plem nkoch:

‘Cà phê ri n’ha, n’gi\ng le\ kro, tơm khi\t âk. Năm aơ, cà phê ntơm geh săk oi yơn lah mô geh cà phê ma klih ơm”

Wa Bùi Văn Trình, Groi Kruanh UBND xã Đa Nhim, nkuăl Lạc Dương, ân gi\t, cà phê lah tơm tăm khlay bah kônh wa tâm nkuăl. Rnôk geh dak ngom chiăt boh mhe rlau ri [ư âk mir cà phê geh djơh khuch ntơm 30 tât 70%, khuch ngăn tât nau geh văng sa bah [on lan:

‘Rnoh geh tăm cà phê bah xã bơi tât 1000 ha, a[aơ ri geh dak ngom chiăt boh [ư kro n’ha geh nklăp 300 ha. Rnoh neh geh khuch ri âk ngăn. Gay rklaih lơi nau aơ ri kônh wa ân koh lơi le\ rnoh tơm geh khuch djơh nê [ư jêng nau mô hôm geh văng sa”.

Ti\ng nau kơp bah N’gâng kan tuch tăm nkuăl Lạc Dương, lam nkuăl geh rlau 468 ha cà phê bah 801 rnăk tâm ăp xã Đa Nhim, Đạ Chais, Đạ Sar geh khuch djơh yor lah geh tom dak ngom chiăt boh, rnoh khuch nklăp 50 rmen prăk. Yuh Nguyễn Thị Thuỳ Trang, cán bộ jrâu kan tuch tăm ndrel hun hao [on lan nkuăl Lạc Dương nkah, đah rnoh neh cà phê geh khuch yor dak ngom chiăt boh đê|, nu\ih [on lan ân koh lơi n’ging. Đah ma rnoh tơm tăm geh khuch hô ri ân koh lơi n’gul tơm le\ khi\t. Lah kônh wa nkre koh n’ging, tơm cà phê mra hao jêng tay. Yuh Nguyễn Thị Thuỳ Trang ko\ nkah kônh wa [on lan ân geh uănh ân rjăp bri mih nar gay ma nchrăp mât chăm ân tơm tăm, n’huch hô ngăn nau khuch khat:

‘ Kônh wa ân geh [a [ơ gi\t tât nau nkoch mpeh bri mih trôk nar gay ma gi\t nau tât bah bri mih n’hach ndrel nau geh duh n’ik bah nkuăl nơm gay ân geh nau kan njrăng der ân ơm. Nkah đah kônh wa rnôk saơ geh tu\p ngom chiăt boh ri nơm ân to\ tơm cà phê mô lah tăm tâm rnôk bri ơm oi rnôk ma nar ê luh gay ma n’huch hô ngăn rnoh khuch khat yor dak ngom chiăt boh lơh. Kônh wa ko\ ânm do\ng nau kan mphu\l ma n’huch u\nh gay ma n’hao nau duh ân mir gay ma n’huch nau khuch bah dak ngom chiăt boh”

Tâm rnôk kâp tơm cà phê ndâk jêng tay, n’gâng kan tuch tăm bonh đă [on lan tăm nsum ma tơm êng gleh nar gay ma nau geh ndâm n’ik ân mir cà phê ndrel geh săk rnglay văng sa êng đo\ng. Nkre lah, ăp nkuăl ko\ ân geh [ư nau kơp uănh kloh rnoh geh khuch khat, nchrăp nau kan tuch tăm đah n’gor ơm ân geh ntrong kan rklaih ndrel ma kơl an ân ăp rnăk geh khuch./.

Nu\ih rblang: H’Thi