VOV4.M’nông – Ban Tuyên giáo Trung ương mhe ƀư an ndơ nkhôm n’hanh Mpla nsơ rơh tâm rlong rup nghệ thuật gưl ngih dak mpeh bôk nău dak lêng, gôl dak ƀon tơm đah nău moh “Tổ quốc bên bờ sóng”. Rơh tâm rlong lah ngoăy tâm âk nău ƀư rgum rƀŭn chính trị, rêh jêng, ntrŭt nsôr, ntrŭt đă ăp nghệ sĩ, ăp nuĭh ŭch sŏk rup mĭn ƀư mhe âk ndơ mhe.

2 hê geh giải ngoăy bah rơh tâm rlong

Tâm rnoh bơi 6.000 tác phẩm râng tâm rlong, Mpôl rdâk ƀư lĕ săch geh rlău 121 tác phẩm lăp rwăch chung khảo n’hanh rnê rhơn an 2 ndơ nkhôm têh ngăn, 4 giải nhì, 6 giải 3, 10 giải khuyến khích. Ntoh ngơi ta ƀư an ndơ nkhôm, Kruanh Ban Tuyên giáo Trung ương Nguyễn Trọng Nghĩa mĭn lah, tă bah rơh tâm rlong aơ nuih n’hâm ntô̆ n’hao rnoi mpôl, nău way rŏng dak, wât n’hanh lĕ nău kan đăp mpăn, ƀư tơm neh ntu ngih dak du tơ̆ tay dơi rêng hvi, ntop têh dăng tâm nău rŏng, nău mĭn bah ăp nuĭh kon neh Việt.

Nuĭh rblang: Y Sưng Phê Ja