VOV4.M’nông: Ôi lơ 20/12, di nkah 77 năm nar ndâk tahen ƀon lan Việt Nam, wa Đinh Tiến Dũng, Uỷ viên Bộ chính trị, Bí thư Thành uỷ Hà Nội hŏ tât khâl, rhơn cán bộ, tahen Bộ Tư lệnh Thủ đô. Ntoh nau rhơn, Bí thư Thành uỷ Hà Nội Đinh tiến Dũng kơp dơn, rnê ndrel rhơn ngăn ăp nau tă geh ndrel nau rgop bah cán bộ, tahen Bộ Tư lệnh Thủ đô năm 2021.

Rhơn tahen Bộ Tư lệnh Thủ đô lŏ geh âk nau ueh, rup gui “Tahen Wa Hồ”, “Nŭih tahen Thủ đô”, ndâk âk nau dơi, nau kan têh lơn, lah ntŭk nsing rnơm, nâp nâl bah Đảng bộ, n’gâng kan ndrel ƀon lan Thủ đô. Bah năp nau tât jêr bah srê Covid-19, Bí thư Thành uỷ đă Bộ Tư lệnh Thủ đô lŏ nchrăp ăp nau kan prêh lơn, tâm rgop nsum đah rmôt kan, mra rgum, ndơn, săm nŭih ntưp srê ji./.

Nŭih rblang: H’Thi