VOV4.M’nông: Ntơm bah nar 27/4 ăp nuĭh tâm rlong sơch lăp nti lam dak ntơm nôp hồ sơ đăng ký râng thi tốt nghiệp n'hanh sơch lăp nti đại học, cao đẳng năm 2021. Gay nta trong dơh an nuĭh tâm rlong sơch lăp nti, Bộ Giáo dục n'hanh Đào tạo mbơh pơk trong ntop kơl gĭt nău lư mpeh rơh thi tốt nghiệp trung học phổ thông ma email n'hanh điện thoại tâm ăp rơh nuĭh tâm rlong đăng ký dự thi, sơch lăp nti. Tĭng nê, gay dơi ntop kơl nău lư mpeh rơh thi tốt nghiệp trung học phổ thông, nuĭh tâm rlong sơch lăp nti n'hanh me bơ̆ njuăl email tât ntŭk hotrothi2021@moet.gov.vn ntơm bah nar 27/4 tât nar 20/8 mô lah ntop kơl ma điện thoại tâm mông pah kan tĭng mbrô 024.32181386. Bộ Giáo dục n'hanh Đào tạo njrăng đă ăp nhih nti đại học, cao đẳng njêng mpôl rnâng kan gay gŭ nkra ăp nău ôp geh tât pah kan sơch lăp nti bah nhih nti đŏng n'hanh nău way kơl dơh lor sơch lăp nti; nkre mbơh, mbrô điện thoại, email gay rblang ta trang thông tin điện tử bah nhih nti, ndơ nkoch trêng nău lư êng ƀa ƀă./.

Nuĭh rblang: Điểu Thân