VOV4.M'nông: Bộ Lao động, Thương binh n'hanh Xã hội mhe geh si ƀŭt njuăl Ủy ban nhân dân ăp n'gor, nkual ƀon têh mpeh trung ương mpeh nău an ƀư năn ngăch ăp trong mât chăm kon se kon đơi tă bah nuh srê Covid-19. Aƀaơ, ta nkual ƀon têh Hồ Chí Minh n'hanh du đêt n'gor, nkual ƀon têh hŏ geh rlău du rbăn kon se kon đơi. Gay năn ngăch mât chăm, pêt siăm, hŭch bah ir rngot klâng, roh yot bah ăp kon se, Ủy ban neh dak mpeh kon se n'hanh Bộ Lao động, Thương binh n'hanh Xã hội dăn đă Ủy ban nhân dân ăp n'gor, nkual ƀon têh mpeh trung ương rđău đă rgum rnoh âk, săk nchih, nău rêh na nê̆; nău ŭch bah kon se n'hanh nuĭh kơl mât bah kon se gay geh trong ntop kơl năn ngăch, tâm di; geh trong kan, trong nchrăp bah n'gor mpeh nău ntop kơl, mât chăm, pêt siăm ta năp măt n'hanh jŏ jong đah rmôt kon se dja ta ăp n'gor, nkual ƀon têh geh rnoh âk kon se kon đơi tă bah nuh srê COVID-19.

Nuĭh rblang: Điểu Thân