VOV4. M’nông: Nar 7/4, wa Lê Văn Thanh, Thứ trưởng Bộ Lao động – Thương binh n'hanh Xã hội hŏ geh rơh pah kan đah UBND n'gor Dak Nông mpeh tĭng ƀư ăp trong kơl, bôk nău kan n'hŭch ach o, nuĭh kan, nău kan lvang năm 2016-2020. Tâm lvang năm 2016-2020, pah kan n'hŭch ach o bah n'gor Dak Nông hŏ geh ăp nău rgâl uĕh.

Dak Nông hŏ ntêm an rlău 683 rmen prăk an bôk nău kan gưl neh dak n'hŭch ach o jŏ jong, tâm nê prăk Trung ương bơi 485 rmen prăk. Bơi 7.700 tơ̆ rnăk ach o nuĭh rnoi mpôl đê̆ dơi manh tơm prăk Ngân hàng Chính sách đah rnoh prăk rlău 206 rmen prăk. Ta rơh pah kan, wa Lê Văn Thanh, Thứ trưởng Bộ Lao động Thương binh n'hanh Xã hội an lah, Dak Nông ân ntrôl dăng nkoch trêng, n'hao nău gĭt êng n'hanh ntrŭt nsôr nuĭh ƀon lan hun hao wăng sa gay klaih rlău ach o, lơn lah tâm nkual rnoi mpôl đê̆. N'gor ân uănh khlay ntĭm nti nău kan, n'hao nău gĭt blău bah nuĭh kan, tŏng đah nău ŭch geh rnoh nuĭh kan, săk geh bah ăp nuĭh ntuh kơl, hŭch bah ir nuĭh kan ngăn ma jâng ti./.

Nuĭh rblang: Điểu Thân