VOV4.M’nông – N’gâng kan tuch tăm mât rong n’hanh hun hao ƀon lan ƀư rƀŭn sŏng dăng boăt nthoi nkra njêng n’hanh tăch ndơ lŏ mir, ndơ OCOP nkual Tây Nguyên năm 2021. Ăp ntŭk ƀoh tơm râng rƀŭn geh: Hà Nội, nkual ƀon têh Hồ Chí Minh, 5 n’gor nkual Tây Nguyên (Dak Lak, Dak Nông, Kon Tum, Gia Lai, Lâm Đồng). Rƀŭn lah boăt nthoi gay ăp nuĭh mât uănh, nuĭh doanh nghiệp, nuĭh ƀon lan tâm rgâl gay dôh rklaih ăp mpêr n’gar, wăk kol tâm rnôk ƀư mât uănh, nkra njêng, tâm pă tăch ndơ lŏ mir bah nkaul tâm nu nău srê Covid-19 rgop tâm nău ƀư tĭng rgŏ jă “Nuĭh Việt Nam kơl lor dŏng ndơ Việt Nam”. Ta rƀŭn nchră lĕ ƀư ký ton sam ƀŭt kơp dơn, kan ndrel đah ăp doanh nghiệp, rmôt kan ndrel, Hợp tác xã nkra njêng ndơ lŏ mir 4 n’gor Dak Lak, Dak Nông, Lâm Đồng, Gia Lai đah ntŭk siêu thị, ntŭk tăch chrai ta Hà Nội n’hanh nkual ƀon têh Hồ Chí Minh mpeh nău ton tăch ndơ.

Nuĭh rblang: Y Sưng Phê Ja