VOV4.Mnông- Nar 5/10, Mpôl đại biểu Quốc hội n’gor Gia Lai lĕ geh rơh pah kan tâm mâp ƀon lan ta 4 xã nkual n’har bri geh: Ia Mơr, Ia Ga, Ia Piơr n’hanh Ia Lâu, nkuăl Chư Prông, nău mbơh mpeh nău nchrăp rơh rƀŭn nchră tal 2, Quốc hội khóa 15 n’hanh kơp dơn nău tâm rgop bâh ƀon lan.

 Mpôl đại biểu Quốc hội n’gor Gia Lai lĕ geh rơh pah kan tâm mâp ƀon lan ta  nkuăl Chư Prông,

Ta rơh tâm mâp, ăp nuĭh ƀon lan lĕ mbơh nău dăn đă mpeh du đê̆ nkô̆ nău kơt lah: Nkual pâl nđaih di tích lịch sử Plei Me geh kơp dơn lah nkual di tích lịch sử gâl ngih dak yơn ê hŏ geh ntuh kơl rdâk njêng tâm di gay ma geh âk năch tât pâl nđaih, mât uănh ntuh kơl ƀư ăp trong hăn ta ntŭk, nău pă neh,  gŭ, neh pah kan an nuĭh rnoi đê̆. Ƀon lan Gia Lai lĕ dăn đă ăp ntŭk kan doh rklaih ăp nău geh tât hun hao duh jêr điện măt nar ta chor jay, nău mât uănh ăp nău nchrăp hun hao mât rong ta ntŭk, ăp nău mô dơi geh tâm nău leo nti trực tuyến...Na nê̆, âk ƀon lan mbơh nău duh jêr mpeh nău kan njrăng rdâng nuh srê Covid-19, mhâm ƀư gay ma pă nău pah kan an nuĭh pah kan plơ̆ sĭt bâh nkual geh srê.

Nuĭh rblang: Thị Đoắt