VOV4. M’nông: Mhe aơ, Chính phủ hŏ an dŏng Nghị quyết mbrô 34/NQ-CP mpeh đăp mpăn rnă ntêm tŏng ăp ndơ sa neh dak tât năm 2030. Tâm nê lah rjăp nkô̆ nău đăp mpăn rnă ntêm tŏng ăp ndơ sa neh dak way dơi Đảng n'hanh Ngih dak êng uănh khlay, rđău đă, gay đăp mpăn rnă ntêm tŏng ăp ndơ sa neh dak ta năp măt n'hanh jŏ jong. Nghị quyết hŏ ndơ̆ luh rnoh tât kan nsum lah đăp mpăn rnă ntêm tŏng ăp ndơ sa dŏng an tâm dak nkhêp geh nău tât ndal n'hanh du gâl an tăch n'gluh; n'hao nău geh wăng sa an nuĭh ƀon lan gay đăp mpăn tât geh ndơ sa kah uĕh; tĭng kơn n'hao têh jong, săk suan, gĭt blău bôk rngok nuĭh ƀon lan Việt Nam, Nghị quyết ndơ̆ luh ăp nău kan, trong nkra kơt ntrôl dăng hun hao, dăp rgum tay tuch tăm mbo ba, nkre đah ntŭk tăch rgâl; ntuh kơl hun hao ntŭk ntô ndơ dŏng rhŏ an nău kan tuch tăm mbo ba ndơ sa./.

Nuĭh rblang: Điểu Thân