VOV4.M’nông – Groi Thủ tướng Lê Minh Khái mhe ký ăp Nău ntrŭnh mpeh nău pă phe, jay ƀat, măy pơk điện bah ndơ ntêm nkrem ngih dak an ăp n’gor Gia Lai, Bình Phước, Sóc Trăng gay ntop kơl nuĭh ƀon lan geh khuch yor srê n’hanh rhŏ an trong kan njrăng, n’gang chôt srê Covid-19. Tĭng nĕ, Groi Thủ tướng jao an N’gâng kan prăk kaih pă an mô sŏk prăk rlău 208 tấn phe bah ndơ ntêm nkrem ngih dak an n’gor Gia Lai. Nău jêh rnôk ƀư tĭng lah hôm e jêr jŏt, UBND n’gor Gia Lai mbơh N’gâng kan Lao động-Thương binh n’hanh xã hội, N’gâng kan prăk kaih gay mbơh an Thủ tướng Chính phủ uănh mĭn tay, ntop kơl tay. Rơh aơ, Groi Thủ tướng jao an N’gâng kan Prăk kaih pă an mô sŏk prăk jay ƀat, măy pơk điện bah ndơ ntêm nkrem ngih dak dak an UBND ăp n’gor Bình Phước, Sóc Trăng gay rhŏ an trong kan njrăng n’gang srê Covid-19 đah rnoh du n’gor dơi pă 30 blah jay ƀat, 2 măy pơk điện têh 30 KVA.

Nŭih rblang: Y Sưng Phê Ja